தமிழகத்தில் புதிதாக 604 பேருக்கு கரோனா; 8 பேர் பலி

தமிழகத்தில் கடந்த 24 மணிநேரத்தில் புதிதாக 604 பேருக்கு கரோனா வைரஸ் தொற்று உறுதி செய்யப்பட்டுள்ளது. ஒரு நாளில் மட்டும் 8 பேர் உயிரிழந்தனர். தமிழகம் முழுவதும் 695 பேர் குணமடைந்து வீடு திரும்பியுள்ளனர். 

நேற்று 602 பேர் பாதிக்கப்பட்ட நிலையில், இன்று (டிச.22) தொற்று உறுதி செய்யப்பட்டவர்கள் எண்ணிக்கை சற்று அதிகரித்துள்ளது.

படிக்க | கேரளத்தில் மேலும் 9 பேருக்கு ஒமைக்ரான்

தமிழக கரோனா பாதிப்பு நிலவரம் குறித்த தரவுகளை மாநில மக்கள் நல்வாழ்வுத் துறை புதன்கிழமை வெளியிட்டுள்ளது. இதில் 1,01,713 பேருக்கு மேற்கொள்ளப்பட்ட பரிசோதனையில் 604 பேருக்கு தொற்று உறுதி செய்யப்பட்டுள்ளது.  மொத்தமாக பாதிக்கப்பட்டோர் எண்ணிக்கை 27,41,617-ஆக அதிகரித்துள்ளது.

கடந்த 24 மணிநேரத்தில் புதிதாக 8 பேர் உயிரிழந்தனர். இதனால் இதுவரை மொத்தமாக உயிரிழந்தோரின் எண்ணிக்கை 36,699-ஆக அதிகரித்துள்ளது.

புதிதாக 695 பேர் குணமடைந்ததால், இதுவரை மொத்தமாக குணமடைந்தவர்களின் எண்ணிக்கை 26,97,939-ஆக உயர்ந்துள்ளது.