2 மாதங்களில் மக்கள் எதிர்பார்க்கும் ஆட்சி மாற்றம்: மு.க.ஸ்டாலின்

2 மாதங்களில் மக்கள் எதிர்பார்க்கும் ஆட்சி மாற்றம் ஏற்பட உள்ளது என்று திமுக தலைவர் மு.க.ஸ்டாலின் தெரிவித்துள்ளார்.
இதுகுறித்து அவர் சென்னை அண்ணா அறிவாலயத்தில் செய்தியாளர்களுக்கு அளித்த பேட்டியில், பிறந்த நாள் வாழ்த்து கூறிய அனைவருக்கும் நன்றி. 2 மாதங்களில் மக்கள் எதிர்பார்க்கும் ஆட்சி மாற்றம் ஏற்பட உள்ளது. 
நேற்று முதல் கூட்டணி கட்சிகளுடன் பேச்சுவார்த்தை நடைபெற்று வருகிறது. திமுக தேர்தல் அறிக்கை தயாரிக்கும் பணிகளும் நடைபெற்று வருகிறது. தமிழகத்தின் 10 ஆண்டுக்கான தொலைநோக்கு பார்வையை திருச்சி கூட்டத்தில் அறிவிக்கிறேன்.  
தமிழகத்திற்கான எனது தொலைநோக்கு பார்வையை 2 கோடி குடும்பங்களிடம் கொண்டு சென்று சேர்க்க உள்ளோம். திருச்சியில் வரும் 7ஆம் தேதி மாநாடுக்கு பதில் திமுக கூட்டம் பிரமாண்மாக நடக்கும். இவ்வாறு அவர் தெரிவித்தார்.