137 நாள்களுக்கு பிறகு உயர்ந்த பெட்ரோல், டீசல் விலை

தமிழ்நாட்டில் 137 நாள்களுக்கு பிறகு பெட்ரோல், டீசல் விலை அதிகரித்துள்ளது. சென்னையில் பெட்ரோல் விலை லிட்டருக்கு 76 காசுகள் உயர்ந்து ஒரு லிட்டர் பெட்ரோல் விலை ரூ.102.16-க்கு விற்பனை செய்யப்படுகிறது. டீசல் விலை 77 காசுகள் உயர்ந்து ரூ.92.19-க்கு விற்பனை செய்யப்படுகிறது.

பெட்ரோல் மற்றும் டீசல் விலை உயர்வை தொடர்ந்து வீட்டு உபயோகத்திற்க்கான சமையல் எரிவாயு சிலிண்டர் விலையும் உயர்ந்துள்ளது. சமையல் எரிவாயு சிலிண்டர் விலை ரூ.50 உயர்ந்து, ரூ.967-க்கு விற்பனை செய்யப்படுகிறது.

கடந்த ஒரு மாதமாக சர்வதேச அளவில் கச்சா எண்ணெய் தொடர்ந்து உயர்ந்த போதிலும், பெட்ரோல்,  டீசல் விலையில் மற்றம் செய்யப்படவில்லை. இந்நிலையில் 137 நாட்களுக்கு பிறகு பெட்ரோல் மற்றும் டீசல், சமையல் எரிவாயு சிலிண்டர் விலை உயர்ந்துள்ளது