மேட்டூர் அணை நீர்வரத்து 10,514 கனஅடி

 
மேட்டூர்: மேட்டூர் அணை நீர்வரத்து 10,514 கன அடியாக அதிகரித்துள்ளது. 

மேட்டூர் அணையின் நீர்மட்டம்  வியாழக்கிழமை காலை 8 மணி நிலவரப்படி 55.82 அடியாக உயர்ந்துள்ளது.

காவிரியின் நீர் பிடிப்புப் பகுதிகளில் பெய்து வரும் மழையின் காரணமாக, அணைக்கு வரும் நீரின் அளவு வினாடிக்கு 7,563 கன அடியிலிருந்து வினாடிக்கு 10,514 கன அடியாக அதிகரித்துள்ளது.

இதையும் படிக்க | ‘திறந்தவெளி பயிா்க்கழிவு எரிப்பு, கட்டுமான கழிவுகளே காற்று மாசுவுக்கு காரணம்’

அணையில் இருந்து குடிநீர் தேவைக்காக வினாடிக்கு 250 கன அடி வீதம் தண்ணீர் திறக்கப்பட்டு வருகிறது. அணையின் நீர் இருப்பு 21.67 டிஎம்சியாக உள்ளது.

ஒரே நாளில் மேட்டூர் அணை நீர்மட்டம் 1.27 அடி உயர்ந்துள்ளது.