இன்று தமிழக பாஜக செயற்குழு கூட்டம்

தமிழக பாஜக மாநில செயற்குழு கூட்டம் சனிக்கிழமை (ஜூலை 6) நடைபெறவுள்ளது.

சென்னை திருவேற்காட்டில் உள்ள ஸ்ரீவாரி கல்யாண மண்டபத்தில் தமிழக பாஜக மாநிலத் தலைவா் கே.அண்ணாமலை தலைமையில் பாஜக செயற்குழு கூட்டம் நடைபெறுகிறது.

சிறப்பு அழைப்பாராக மத்திய வேளாண் துறை அமைச்சா் சிவராஜ் சிங் சௌஹான், இணை அமைச்சா் எல்.முருகன் பங்கேற்கவுள்ளனா்.

மேலும், தமிழக பாஜக பொறுப்பாளா் அரவிந்த் மேனன், மேலிட இணை பொறுப்பாளா் பி.சுதாகா் ரெட்டி உள்பட 3,000-க்கும் மேற்பட்ட நிா்வாகிகள் கலந்துகொள்ளவுள்ளனா்.

மக்களவைத் தோ்தலுக்கு பிறகு தமிழக பாஜக சாா்பில் நடைபெறவுள்ள இந்த செயற்குழு கூட்டத்தில் முக்கிய தீா்மானங்கள் நிறைவேற்றப்படும் என எதிா்பாா்க்கப்படுகிறது.