✕
முகப்பு

மின்சாரம் பாய்ந்து தொழிலாளி உயிரிழப்பு: இருவா் பலத்த காயம்

மின்சாரம் பாய்ந்து மேற்கு வங்கத் தொழிலாளி உயிரிழந்தாா். இரு தொழிலாளா்கள் பலத்த காயமடைந்தனா்.

6 அக்டோபர் 2026, 6:58 am
பகிர்:

சென்னை: மின்சாரம் பாய்ந்து மேற்கு வங்கத் தொழிலாளி உயிரிழந்தாா். இரு தொழிலாளா்கள் பலத்த காயமடைந்தனா்.

சென்னை நங்கநல்லூா் இந்து காலனி 2-ஆவது பிரதான சாலையில் புதிதாக 2 தளங்களுடன் கூடிய வீடு கட்டப்படுகிறது. முதல் தளத்தில் சென்ட்ரிங் வேலை சில நாள்களாக நடைபெற்று வருகிறது. திங்கள்கிழமை அங்கு தொழிலாளா்கள் கட்டுமானப் பணியில் ஈடுபட்டிருந்தனா். மேற்கு வங்க மாநிலத்தைச் சோ்ந்த மங்கள் அஸ்ரா (26), பழவந்தாங்கல் பி.வி.நகரைச் சோ்ந்த ராமு (54), பழவந்தாங்கல் நேரு காலனியைச் சோ்ந்த குணா (48) ஆகிய 3 பேரும் சென்ட்ரிங் வேலைக்காக இரும்பு கம்பிகளை சுமந்து கொண்டு மாடிப்படி வழியாக ஏறிச் சென்றபோது, இரும்பு கம்பிகள், கட்டடத்தின் அருகே செல்லும் உயா் மின்னழுத்த மின்சார கம்பி மீது உரசியது. 3 போ் மீதும் மின்சாரம் பாய்ந்ததில் மூவரும் மயங்கி விழுந்தனா்.

உடனடியாக அங்கிருந்தவா்கள் மூவரையும் நங்கநல்லூரில் உள்ள தனியாா் மருத்துவமனைக்கு கொண்டு சென்றனா். பின்னா், தாம்பரம் அரசு பொது மருத்துவமனைக்கு அனுப்பி வைக்கப்பட்டனா். அங்கு, 3 பேரையும் பரிசோதித்த மருத்துவா், மங்கள் அஸ்ரா ஏற்கெனவே உயிரிழந்து விட்டதாகத் தெரிவித்தாா். மின்சாரம் பாய்ந்ததில் கை, கால், கழுத்து உள்ளிட்ட இடங்களில் தீக்காயம் அடைந்த ராமு, குணா ஆகிய 2 பேருக்கும் அங்கு தீவிர சிகிச்சை அளிக்கப்படுகிறது. இதுகுறித்து பழவந்தாங்கல் போலீஸாா் வழக்குப் பதிவு செய்து, விசாரணை நடத்தி வருகின்றனா்.

Advertisement

Advertisement

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.