சேலையூர், செம்பாக்கத்தில் மின்திருட்டு: ரூ.5.96 லட்சம் அபராதம்

சென்னை சேலையூர், செம்பாக்கம், கெளரிவாக்கத்தில் 11 இடங்களில் மின்திருட்டில் ஈடுபட்டவர்களுக்கு ரூ. 5.96 லட்சம் அபராதம் விதிக்கப்பட்டுள்ளது. 
இதுகுறித்து தமிழ்நாடு மின்உற்பத்தி மற்றும் பகிர்மானக் கழகம் திங்கள்கிழமை வெளியிட்ட செய்திக் குறிப்பு:
தமிழ்நாடு மின் உற்பத்தி மற்றும் பகிர்மானக்கழக அமலாக்கப் பிரிவு அதிகாரிகள், சென்னை சேலையூர், செம்பாக்கம், கெளரிவாக்கத்தில் கடந்த 2-ஆம் தேதி கூட்டு ஆய்வு மேற்கொண்டபோது 11 இடங்களில் மின்திருட்டு நடைபெற்றிருப்பது உறுதி செய்யப்பட்டது. இதனால் அந்த மின் நுகர்வோருக்கு ரூ.5 லட்சத்து 36 ஆயிரத்து 425 அபராதம் விதிக்கப்பட்டது. மேலும் சமரசத் தொகை ரூ.60,000 வசூலிக்கப்பட்டது.