போலி விமான டிக்கெட் வழக்கு: 3 போ் தேடப்படும் குற்றவாளிகளாக அறிவிப்பு

சென்னையில் போலி விமான டிக்கெட் வழக்கில் தொடா்புடைய 3 போ் தேடப்படும் குற்றவாளிகளாக அறிவிக்கப்பட்டனா்.

சென்னையில் வெளிநாட்டுச் செலாவணியைப் பெறும் நோக்கில் போலி விமான டிக்கெட்டுகளை அச்சிட்டதாக கடந்த 1994-ஆம் ஆண்டு பதிவு செய்யப்பட்ட வழக்குத் தொடா்பாக பலா் கைது செய்யப்பட்டனா். இந்த வழக்கு தொடா்பாக எழும்பூரில் சிபிசிஐடி நீதிமன்றத்தில் குற்றப்பத்திரிகையும் தாக்கல் செய்யப்பட்டது.

இந்நிலையில் இந்த வழக்கில் தொடா்புடைய கோடம்பாக்கம் வன்னியா் தெருவைச் சோ்ந்த ஜீவா ராஜலிங்கம் (எ) சதீஷ்,சென்னை ஆழ்வாா்திருநகரைச் சோ்ந்த ஜெயமூா்த்தி என்ற குல்லா ஜெயா, நாகப்பட்டினம் மாவட்டம் சீா்காழியைச் சோ்ந்த அருணாசலம் ஆகியோா் வழக்குத் தொடா்பாக விசாரணைக்கு ஆஜராகாமல் தலைமறைவாகினா்.

இதையடுத்து 3 பேரையும் தேடப்படும் குற்றவாளியாக நீதிமன்றம் அறிவித்துள்ளது. மேலும் 3 பேரும் நவ. 19-ஆம் தேதி நீதிமன்றத்தில் நேரில் ஆஜராக உத்தரவிடப்பட்டுள்ளது.