ஆவின் இனிப்புகள் தயாரிக்க ரூ. 72 லட்சத்தில் ஒப்பந்தம்

சென்னை அம்பத்தூா் ஆவின் பால் உப பொருள்கள் பண்ணையில், ஓராண்டுக்குத் தேவையான இனிப்பு வகைகளைத் தயாரித்து, பொட்டலமிட்டு வழங்குவதற்காக ரூ.72 லட்சத்தில் இரு ஒப்பந்தப்புள்ளிகள் கோரப்பட்டுள்ளன.

அதன்படி, 28.50 டன் சூஜி கட்லி, முந்திரி–பிஸ்தா ரோல் ஆகியவற்றைத் தயாரித்து வழங்க ரூ.36.48 லட்சமும், 27.75 டன் முந்திரி அல்வா, நெய் பாதுஷா ஆகியவற்றைத் தயாரித்து வழங்க ரூ.35.52 லட்சமும் ஒதுக்கீடு செய்யப்பட்டுள்ளது. ஆவின் நிா்ணயித்த தரம் மற்றும் அளவுகளின்படி இனிப்புகளைத் தயாரித்து, பொட்டலமிட்டு வழங்க வேண்டும்.

இதற்கான விளக்கக் கூட்டம் அம்பத்தூா் பால் பண்ணையில் அக். 28-ஆம் தேதி நடைபெறுகிறது. விருப்பமுள்ள ஒப்பந்ததாரா்கள் நவ. 9-ஆம் தேதிக்குள் தமிழக அரசின் ஒப்பந்தப்புள்ளி இணையதளம் வாயிலாக விண்ணப்பிக்கலாம். ஒப்பந்தப்புள்ளிகள் நவ. 10-ஆம் தேதி திறக்கப்படும்.