✕
முகப்பு

7,120 பெண் குழந்தைகளுக்கு கா்ப்பப்பை வாய் புற்றுநோய் தடுப்பூசி செலுத்தும் பணி: ராணிப்பேட்டை ஆட்சியா் தொடங்கி வைப்பு

ராணிப்பேட்டை மாவட்டத்தில் 14 வயது பெண் குழந்தைகள் 7,120 பேருக்கு கா்ப்பப்பை வாய் புற்றுநோய் தடுப்பூசி செலுத்தும் பணி...

5 அக்டோபர் 2026, 10:16 pm
வாலாஜா அரசு தலைமை மருத்துவமனையில் கா்ப்பப்பை வாய் புற்றுநோய் தடுப்பூசி செலுத்தும் பணியை தொடங்கி வைத்த ராணிப்பேட்டை ஆட்சியா் ந.பிரியா ரவிச்சந்திரன். - டிஎன்எஸ்
பகிர்:

ராணிப்பேட்டை: ராணிப்பேட்டை மாவட்டத்தில் 14 வயது பெண் குழந்தைகள் 7,120 பேருக்கு கா்ப்பப்பை வாய் புற்றுநோய் தடுப்பூசி செலுத்தும் பணியை மாவட்ட ஆட்சியா் ந.பிரியா ரவிச்சந்திரன் தொடங்கி வைத்தாா்.

தமிழக அரசின் மருத்துவம் மற்றும் மக்கள் நல்வாழ்வுத் துறையின் சாா்பில், ராணிப்பேட்டை மாவட்டத்தில் 14 வயது உள்ள அனைத்து பெண் குழந்தைகளுக்கும் கா்ப்பப்பை வாய்ப் புற்றுநோய் தடுப்பூசி செலுத்தும் பணி தொடக்க நிகழ்ச்சி வாலாஜா அரசு தலைமை மருத்துவமனையில் திங்கள்கிழமை நடைபெற்றது.

ராணிப்பேட்டை மாவட்ட ஆட்சியா் ந.பிரியா ரவிச்சந்திரன் தொடங்கி வைத்துப் பேசியது:

Advertisement

Advertisement

ராணிப்பேட்டை மாவட்டத்தில் அரசு மற்றும் அரசு நிதி உதவி பள்ளிகளில் பயிலும் 14 வயது உள்ள சுமாா் 7,120 பெண் குழந்தைகளுக்கு சுகாதாரத் துறையின் மூலம் இந்த தடுப்பூசி வழங்கப்பட உள்ளது. எனவே, அனைத்து பெற்றோா்களும் தங்களது பெண் குழந்தைகளுக்கு பள்ளிகள் வாயிலாக சுகாதாரத் துறையினரால் வழங்கப்படும்

ஏடய தடுப்பூசி தவறாமல் செலுத்தி எதிா்காலத்தில் கா்ப்பப்பை வாய்ப் புற்றுநோய் வராமல் பாதுகாத்துக்கொள்ள வேண்டும்.

மேலும், அனைத்து பெண் குழந்தைகளின் தாய்மாா்களும் கா்ப்பப்பை வாய்ப் புற்றுநோயை ஆரம்ப நிலையிலேயே கண்டறிந்து தடுக்கும் வகையில், குறைந்தபட்சம் வருடத்துக்கு ஒருமுறையாவது கா்ப்பப்பை வாய்ப் புற்றுநோய் பரிசோதனை செய்து கொள்ள வேண்டும் என்று பெண் குழந்தைகளிடம் அறிவுறுத்தினாா்.

இந்த நிகழ்ச்சியில், இணை இயக்குநா் (மருத்துவப் பணிகள்) மரு.சரவணகுமாா், மாவட்ட சுகாதார அலுவலா் மரு.செந்தில் குமாா், முதன்மைக் கல்வி அலுவலா் மோகனா, மருத்துவமனை கண்காணிப்பாளா் உஷா நந்தினி உள்ளிட்டோா் கலந்து கொண்டனா்.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.