மின்சாரம் பாய்ந்து சிறுவன் சாவு

திருவேற்காடு அருகே மின்சாரம் பாய்ந்து வட மாநில சிறுவன் உயிரிழந்தார்.

திருவேற்காட்டை அடுத்த ராஜங்குப்பத்தில் தொழிற்சாலை கட்டுமானப் பணி நடைபெற்று வருகிறது.

இதில், மேற்குவங்க மாநிலத்தைச் சேர்ந்த சமண் பாண்டா (35), அவரது மனைவி புத்திரி பாண்டா ஆகியோர் வேலை பார்த்து வருகின்றனர். இதற்காக அவர்கள் தங்கள் மகன் சங்கர் பாண்டாவுடன் (6) கட்டடப் பணி நடைபெறும் இடத்தின் அருகே குடிசை அமைத்து தங்கியுள்ளனர்.

இந்த நிலையில், வியாழக்கிழமை இரவு குடிசையில்  சென்ற மின் கம்பியை சிறுவன் சங்கர் பாண்டா தொட்டுள்ளார்.

அப்போது மின்சாரம் பாய்ந்து அவர் நிகழ்விடத்திலேயே உயிரிழந்தார். இதுகுறித்து திருவேற்காடு போலீஸார் வழக்குப் பதிந்து விசாரித்து வருகின்றனர்.