ஆரணியில் உணவுப் பாதுகாப்பு அதிகாரிகள் திடீர் ஆய்வு

ஆரணியில் அடுமனை (பேக்கரி), இனிப்பகங்களில் உணவுப் பாதுகாப்பு அதிகாரிகள் திங்கள்கிழமை திடீர் ஆய்வு மேற்கொண்டனர்.

மாவட்ட உணவுப் பாதுகாப்பு நிலைய அலுவலர் அழகுராஜா உத்தரவின்பேரில், ஆரணி வட்டார உணவுப் பாதுகாப்பு அலுவலர்கள் ரவி, கோட்டீஸ்வரன், சீனிவாசன், பிரசாத், ராஜேந்திரன் ஆகியோர் ஆரணியிலுள்ள அடுமனைகள், இனிப்பகங்களில் ஆய்வு செய்து மாதிரிகளை எடுத்துச் சென்றனர்.

மாதிரிகளை ஆய்வு செய்து சுத்தமாக தயாரிக்கிறார்களா என பரிசோதனை செய்து பின்னர் நடவடிக்கை எடுக்கப்படும் என்றனர்.