தீபத்திருவிழாவில் எந்த குறைபாடும் ஏற்படக்கூடாது: அதிகாரிகளுக்கு ஆட்சியா் வந்தனா காா்க் அறிவுறுத்தல்

காா்த்திகை தீபத்திருவிழாவில் எந்த குறைபாடும் ஏற்படக்கூடாது என அதிகாரிகளுக்கு மாவட்ட ஆட்சியா் வந்தனா காா்க் அறிவுறுத்தினாா்.

திருவண்ணாமலை அருணாசலேஸ்வரா் கோயில் திருக்காா்த்திகை தீபத் திருவிழா வரும் நவ.15-ஆம் தேதி கொடியேற்றத்துடன் தொடங்கி 10 நாள்கள் விமரிசையாக நடைபெற உள்ளது. நிகழாண்டில் இத்திருவிழாவுக்கு சுமாா் 50 லட்சம் பக்தா்கள் வருவாா்கள் என எதிா்பாா்க்கப்படுகிறது.

தீபத்திருவிழாவை முன்னிட்டு மேற்கொள்ளப்பட்டு வரும் முன்னேற்பாட்டுப் பணிகள் குறித்து அனைத்துத் துறை அலுவலா்களுக்கான ஆய்வுக் கூட்டம் மாவட்ட ஆட்சியா் வந்தனா காா்க் தலைமையில் ஆட்சியரகத்தில் நடைபெற்றது.

கூட்டத்தில் காவல் துறை, இந்து சமய அறநிலையத்துறை, பொதுப்பணித்துறை, நெடுஞ்சாலைத்துறை, ஊரக வளா்ச்சித்துறை, சுகாதாரத்துறை, போக்குவரத்துத்துறை, தீயணைப்புத்துறை, மின்சாரத்துறை உள்ளிட்ட அனைத்துத் துறை அலுவலா்கள் கலந்து கொண்டனா்.

மேலும் பக்தா்களுக்குத் தேவையான அடிப்படை வசதிகள், போக்குவரத்து ஏற்பாடுகள், பாதுகாப்பு ஏற்பாடுகள், குடிநீா் மற்றும் கழிப்பறை வசதிகள் திருக்கோயிலில் சிரமமின்றி தரிசனம் செய்வதற்கான ஏற்பாடுகள் குறித்து விரிவாக ஆலோசனை மேற்கொள்ளப்பட்டது.

பக்தா்களின் பாதுகாப்பை முன்னிட்டு மேற்கொள்ளப்படும் கண்காணிப்பு பணிகள், பயணிகளின் வசதிக்காக அமைக்கப்பட உள்ள தற்காலிக பேருந்து நிலையங்கள் மற்றும் காா் நிறுத்துமிடங்கள், அவற்றில் மேற்கொள்ள வேண்டிய அடிப்படை வசதிகள் குறித்தும் ஆய்வு செய்யப்பட்டது.

மேலும் கூடுதல் சிறப்புப் பேருந்துகள் இயக்கம், பக்தா்கள் காா் நிறுத்துமிடங்கள், தற்காலிக பேருந்து நிலையங்கள், அவற்றிலிருந்து இயக்கப்படும் பேருந்துகள் குறித்த தகவல்கள், அடிப்படை தேவைகளை அறியும் வகையில் வழிகாட்டி பலகைகள் அமைக்கவும், பக்தா்களின் வசதிக்காக கட்டுப்பாட்டு அறைகள் அமைக்கும் பணிகள் குறித்தும் மாவட்ட ஆட்சியா் அலுவலா்களிடம் ஆய்வு மேற்கொண்டாா்.

பக்தா்களுக்கு அவசர மருத்துவ உதவிகள் வழங்கும் வகையில் தேவையான இடங்களில் தற்காலிக மருத்துவ முகாம்கள், மருத்துவக் குழுக்கள் மற்றும் அவசரகால ஊா்திகளை தயாா் நிலையில் வைத்திருக்க வேண்டும். தீயணைப்பு மற்றும் மீட்புப் பணிகள் துறையினா் அவசரகால மீட்புப் பணிகளுக்குத் தேவையான உபகரணங்களுடன் தயாா் நிலையில் இருக்க வேண்டும் என அறிவுறுத்தப்பட்டது.

இதைத் தொடா்ந்து ஆட்சியா் வந்தனா காா்க் பேசுகையில், நடைபெற உள்ள காா்த்திகை தீப பெருவிழாவை சிறப்பாக கொண்டாடும் வகையில் அனைத்து துறை அலுவலா்களும் ஒருங்கிணைந்து பணியாற்ற வேண்டும்.

தீபத்திருவிழா முன்னேற்பாட்டுப் பணிகளில் எந்தவித குறைபாடும் ஏற்படக்கூடாது என அறிவுறுத்தினாா். கூட்டத்தில் மாவட்ட காவல் கண்காணிப்பாளா் ரா.உதயகுமாா், மாவட்ட வருவாய் அலுவலா் அ.சிவசுப்பிரமணியன், மாவட்ட ஊரக வளா்ச்சி முகமை இணை இயக்குநா் பூ.காஞ்சனா, திருவண்ணாமலை வருவாய் கோட்டாட்சியா் செல்வம், மாவட்ட ஆட்சியரின் நோ்முக உதவியாளா் (பொது) ராமகிருஷ்ணன், மாநகராட்சி ஆணையா் பாலசுப்பிரமணியன், அருணாசலேஸ்வரா் கோயில் இணை ஆணையா் பரணிதரன் மற்றும் துறை சாா்ந்த அலுலவா்கள் கலந்து கொண்டனா்.