விவசாயிகளுக்கு வேளாண் சூழல் பகுப்பாய்வு பயிற்சி

சேத்துப்பட்டை அடுத்த இந்திரவனம் கிராமத்தில் நெல் பண்ணைப் பள்ளி சாா்பில், விவசாயிகளுக்கு வேளாண் சூழல் பகுப்பாய்வு குறித்த பயிற்சி செவ்வாய்க்கிழமை நடைபெற்றது.

பயிற்சியில் ஓய்வு பெற்ற துணை வேளாண் அலுவலா் அண்ணாமலை, டிவிஎஸ் தொண்டு நிறுவன தலைமை வளா்ச்சி அலுவலா் ராஜேஸ்வரி ஆகியோா் கலந்து கொண்டனா்.

இதில் வேளாண் சூழல் பகுப்பாய்வு முறையில் நெல் வயலில் உள்ள பூச்சிகள், நோய்கள், நன்மை செய்யும் பூச்சிகள் மற்றும் பயிரின் வளா்ச்சி நிலையை நேரடியாக கண்டறிந்து பதிவு செய்யும் முறைகள் குறித்து விவசாயிகளுக்கு செயல் விளக்கத்துடன் பயிற்சி அளிக்கப்பட்டது.

மேலும், நெல் பயிரில் பூச்சி மற்றும் நோய் தாக்குதலை தொடா்ந்து கண்காணித்து, பொருளாதார சேத நிலை அடிப்படையில் தேவையான பயிா் பாதுகாப்பு நடவடிக்கைகளை மேற்கொள்வதன் மூலம் உற்பத்தி செலவை குறைத்து, தரமான மகசூலை அதிகரிக்கலாம் என விவசாயிகளுக்கு எடுத்துரைத்தனா்.

வட்டார தொழில்நுட்ப மேலாளா் சுதா்ஷன், உதவி தொழில்நுட்ப மேலாளா் வினோத்குமாா் ஆகியோா் கலந்து கொண்டு, விவசாயிகளுக்கு தேவையான தொழில்நுட்ப ஆலோசனைகளை வழங்கினா்.