காவலா் வீரவணக்க நாள்: நினைவு சின்னத்தில் மரியாதை

காவலா் வீரவணக்க நாளையொட்டி, திருவண்ணாமலை ஆயுதப்படை மைதானத்தில் உள்ள காவலா் நினைவு சின்னத்தில் புதன்கிழமை மலா்வளையம் வைத்து மாவட்ட எஸ்.பி. உதயகுமாா் மரியாதை செலுத்தினாா்.

காஷ்மீா் லடாக் பகுதியில் கடந்த 1959-ஆம் ஆண்டு சீன ராணுவ தாக்குதலில் வீரமரணமடைந்த எல்லை பாதுகாப்பு வீரா்களின் நினைவாக ஆண்டுதோறும் அக்டோபா் 21-ஆம் தேதி காவலா் வீரவணக்க நாள் கடைபிடிக்கப்படுகிறது.

இந்நாளில் நாடு முழுவதும் பணியின்போது வீரமரணமடைந்த காவலா்களின் நினைவை போற்றும் வகையில் அஞ்சலி செலுத்தப்படுகிறது.

அதன்படி, திருவண்ணாமலை மாவட்ட காவல் அலுவலக வளாகத்தில் உள்ள ஆயுதப்படை மைதானத்தில் அமைந்துள்ள காவலா்கள் நினைவு சின்னத்துக்கு மாவட்ட காவல் கண்காணிப்பாளா் ரா.உதயகுமாா் புதன்கிழமை மலா்வளையம் வைத்து மரியாதை செலுத்தினாா். மேலும் துப்பாக்கி குண்டுகள் முழங்க போலீஸாா் மரியாதை செலுத்தினா்.