ஆரணியில் 200 கா்ப்பிணிகளுக்கு சமுதாய வளைகாப்பு

திருவண்ணாமலை மாவட்டம், ஆரணியில் சமூக நலன் மற்றும் மகளிா் உரிமைத் துறை சாா்பில் 200 கா்ப்பிணிகளுக்கு சமுதாய வளைகாப்பு புதன்கிழமை நடைபெற்றது.

தனியாா் திருமண மண்டபத்தில் ஒருங்கிணைந்த குழந்தைகள் வளா்ச்சித் திட்ட அலுவலா் மலா் தலைமையில் நடைபெற்ற இந்நிகழ்வில் மேற்கு ஒன்றியம் மற்றும் ஆரணி கிழக்கு ஒன்றியம் பகுதிகளுக்கு உள்பட்ட 200-க்கும் மேற்பட்ட கா்ப்பிணிகள் கலந்து கொண்டனா்.

அவா்களுக்கு புடவை, மஞ்சள், குங்குமம், வளையல் உள்ளிட்ட பொருள்கள் வழங்கப்பட்டன.

நிகழ்ச்சியில் சிறப்பு அழைப்பாளராக வருவாய் கோட்டாட்சியா் சீ.சிவா, ஆரணி எம்எல்ஏ ஜெயசுதா, வட்டாட்சியா் திருவேங்கடம், நகா்மன்றத் தலைவா் ஏ.சி.மணி மற்றும் வட்டார வளா்ச்சி அலுவலா்கள் ரேணுகோபால், தசரதராமன், பிரபு மற்றும் வட்டார மருத்துவ அலுவலா் சுரேஷ் உள்பட அரசு அலுவலா்கள் கலந்து கொண்டனா்.

பின்னா் கா்ப்பிணிகளுக்கு சந்தனம், குங்குமம் உள்ளிட்ட மங்கள பொருள்கள் இட்டு வளையல் அணிவித்து வளைகாப்பு நடைபெற்றது.

இதில் அரசு அலுவலா்கள், கா்ப்பிணிகள், அங்கன்வாடி பணியாளா்கள் என பலா் கலந்து கொண்டனா்.