தமாகா கையெழுத்து இயக்கம்

பூரண மதுவிலக்கை அமல்படுத்த வலியுறுத்தி, தமிழ் மாநில காங்கிரஸ் சார்பில் கையெழுத்து இயக்கம் காரமடையில் வெள்ளிக்கிழமை நடை பெற்றது.

காரமடை காந்தி மைதானத்தில் நடைபெற்ற இந்நிகழ்ச்சிக்கு, தமாகா மாநில பொதுக்குழு உறுப்பினர் பவன் சரவணக்குமார் தலைமை வகித்தார். கட்சியின் நகர நிர்வாகிகள் பெட்டையன், சுந்தரம், வெங்கடேஷ், மாவட்ட இளைஞரணி துணைத் தலைவர் சந்தான கிருஷ்ணன் ஆகியோர் முன்னிலை வகித்தனர். தமாகா வடக்கு மாவட்டத் தலைவர் அன்னூர் கே.ராமலிங்கம், கையெழுத்து இயக்கத்தை துவக்கி வைத்து பேசினார்.

ரங்கநாதர் கோயில், சிறுமுகை சாலை பிரிவு, ஐந்து சாலை சந்திப்பு, தெப்பக்குளம் ஆகிய பகுதிகளில் சுமார் 3000-த்திற்கும் மேற்பட்டோரிடம் கையெழுத்து பெறப்பட்டது.