15 லட்சம் பேருக்கு சமையல் எரிவாயு மானியம்

கோவை மண்டலத்தில் சுமார் 15 லட்சம் வாடிக்கையாளர்களுக்கு நேரடியாக வங்கிக் கணக்கில் அரசு மானியம் வழங்கப்பட்டு வருகின்றது என பாரத் கேஸ் நிறுவனத்தின் கோவை மண்டல மேலாளர் பிரதீப் நாயர் தெரிவித்துள்ளார்.

இதுகுறித்து அவர் வெளியிட்டுள்ள அறிக்கையில் கூறியிருப்பதாவது:

எரிவாயு இணைப்பு வைத்துள்ள அனைவருக்கும் நேரடியாக அவர்களது வங்கிக் கணக்கில் அரசு மானியம் வழங்குவதற்காக பாகல் திட்டம் கொண்டு வரப்பட்டது.

இத்திட்டத்தில் இதுவரை இந்திய அளவில் சுமார் 14 கோடி பேர் இணைந்துள்ளனர். வாடிக்கையாளர்களின் வங்கிக் கணக்கில் ஏற்கெனவே ரூ. 25.300 கோடி பணப் பரிமாற்றம் செய்யப்பட்டுள்ளது. கோவை மண்டலத்தை பொருத்தவரை சுமார் 17 லட்சம் பேர் வாடிக்கையாளர்களாக உள்ளனர். இவர்களில் சுமார் 15 லட்சம் பேர் இத்திட்டத்தில் பயனடைந்து வருகின்றனர் என்றார்.