நடமாடும் சிகிச்சைப் பிரிவு: ஓட்டுநர், உதவியாளர் பணியிடத்துக்கு விண்ணப்பிக்கலாம்

ஈரோடு மாவட்ட மாற்றுத்திறனாளிகள் நல அலுவலகத்தில் நடமாடும் சிகிச்சைப் பிரிவு வாகனத்துக்கு ஓட்டுநர், உதவியாளர் பணியிடங்கள் தொகுப்பு ஊதிய அடிப்படையில் நிரப்பப்படவுள்ளன.

 இதுகுறித்து, மாவட்ட ஆட்சியர் எஸ்.பிரபாகர் சனிக்கிழமை விடுத்த செய்தி:

 ஓட்டுநர் பணியிடத்திற்கு கல்வித் தகுதியாக 8-ஆம் வகுப்பு தேர்ச்சியுடன் 1.7.2015 அன்று 18 வயதுக்கு குறையாமலும் 30 வயதுக்குள்ளும் இருப்பவர்கள் விண்ணப்பிக்கலாம்.

 வயது வரம்பு தளர்வு 5 ஆண்டுகளாகும் (35 வயது). தொகுப்பூதிய அடிப்படையில் மாதம் ரூ.8 ஆயிரம் சம்பளமாக வழங்கப்படும். உதவியாளர் பணியிடத்துக்கு கல்வித் தகுதியாக 8-ஆம் வகுப்பும், வயது வரம்பு 1.7.2015 அன்று 18 வயதுக்கு குறையாமலும் 30 வயதுக்குள்ளும் இருக்கவேண்டும்.

 வயது வரம்பு தளர்வு 5 ஆண்டுகளாகும் (35 வயது). தொகுப்பூதிய அடிப்படையில் மாதம் ரூ.5 ஆயிரம் சம்பளம் வழங்கப்படும். இது முற்றிலும் தாற்காலிகப் பணியாகும்.

 எனவே, தகுதியான நபர்கள் அக்டோபர் 9-ஆம் தேதிக்குள் விண்ணப்பங்களை நேரிலோ, அஞ்சல் மூலமாகவோ, மாவட்ட மாற்றுத்திறனாளிகள் நல அலுவலர், மாவட்ட மாற்றுத்திறனாளிகள் நல அலுவலகம், மாவட்ட ஆட்சியர் அலுவலக வளாகம், ஈரோடு-638011 என்ற முகவரிக்கு விண்ணப்பிக்கலாம் எனத் தெரிவித்துள்ளார்.