நாட்டு நலப்பணித் திட்ட சிறப்பு முகாம் தொடக்க விழா

கொங்கு வேளாளர் மெட்ரிக் மேல்நிலைப் பள்ளியின் நாட்டு நலப்பணித் திட்ட சிறப்பு முகாம் தொடக்க விழா சனிக்கிழமை நடைபெற்றது.

பெருந்துறை வடக்கு அரசு நடுநிலைப் பள்ளி வளாகத்தில் நடைபெற்ற இவ்விழாவிற்கு, பள்ளித் தலைவர் ஜி.யசோதரன் தலைமை வகித்தார். தலைமையாசிரியர் சி.தங்கவேல் வரவேற்றார். கருமாண்டிசெல்லிபாளையம் பேரூராட்சித் தலைவர் ஜானகி குப்புசாமி சிறப்பு விருந்தினராகப் பங்கேற்று முகாமைத் தொடங்கி வைத்தார்.

இதில், கொங்கு பள்ளி துணைத் தலைவர் எஸ்.குமாரசாமி, பொருளாளர் பி.ஆர். சுப்பிரமணியன், பெற்றோர் ஆசிரியர் சங்கத் தலைவர் ஆர்.சரவணகுமார், பொருளாளர் பி.ரவிசந்திரன், பேரூராட்சி துணைத் தலைவர் கே.பி.எஸ்.மோகன்குமார் உள்பட பலர் கலந்துகொண்டனர்.கொங்கு பள்ளி நாட்டு நலப்பணித் திட்ட அலுவலர் கோ.பா.ரவிகுமார் நன்றி கூறினார்.

முகாமிற்கான ஏற்பாடுகளை கொங்கு பள்ளி நாட்டு நலப்பணித் திட்ட உதவி அலுவலர் ஆர்.அசோக்குமார், ஆசிரியர்கள் செய்திருந்தனர்.