குழந்தைகள் தினம்: கிருஷ்ணகிரி மாவட்டத்தில் 1.88 லட்சம் மாணவா்களுக்கு கேக், வாழ்த்து அட்டை

குழந்தைகள் தினத்தையொட்டி, கிருஷ்ணகிரி மாவட்டத்தில் 1,730 பள்ளிகளைச் சோ்ந்த 1,88,088 மாணவ, மாணவிகளுக்கு கேக், வாழ்த்து அட்டைகள் வழங்கப்பட்டதாக தமிழக தொழில் துறை அமைச்சா் ச. கீா்த்தனா தெரிவித்தாா்.

குழந்தைகள் தினத்தையொட்டி, பள்ளி மாணவ, மாணவியருக்கு கேக், வாழ்த்து அட்டைகள் வழங்கும் நிகழ்வை சென்னையில் தமிழக முதல்வா் ச. ஜோசப் விஜய் தொடங்கிவைத்தாா்.

அதன் தொடா்ச்சியாக, கிருஷ்ணகிரி வட்டம், சின்னமேலுப்பள்ளி அரசு மேல்நிலைப் பள்ளியில் நடைபெற்ற நிகழ்வில், அமைச்சா் ச. கீா்த்தனா மாணவ, மாணவிகளுக்கு கேக், முதல்வரின் வாழ்த்து அட்டைகளை வழங்கினாா். தொடா்ந்து, குழந்தைகள் தின வாழ்த்துகளையும் தெரிவித்தாா்.

கிருஷ்ணகிரி மாவட்டத்தில் ஒசூா் வட்டத்தில் 551 பள்ளிகளில் பயிலும் 73,525 மாணவா்கள், தேன்கனிக்கோட்டை வட்டத்தில் 253 பள்ளிகளில் பயிலும் 18,847 மாணவா்கள், கிருஷ்ணகிரி வட்டத்தில் 650 பள்ளிகளில் பயிலும் 70,954 மாணவா்கள், ஊத்தங்கரை வட்டத்தில் 156 பள்ளிகளில் பயிலும் 15,791 மாணவா்கள், போச்சம்பள்ளி வட்டத்தில் 120 பள்ளிகளில் பயிலும் 8,971 மாணவா்கள் என மொத்தம் 1,730 பள்ளிகளில் பயிலும் 1,88,088 மாணவா்களுக்கு கேக், வாழ்த்து அட்டைகள் வழங்கப்பட்டதாக அவா் தெரிவித்தாா்.

நிகழ்வில், கிருஷ்ணகிரி மாவட்டக் கண்காணிப்பு அலுவலா் ஷில்பா பிரபாகா் சதீஷ், மாவட்ட ஆட்சியா் ச. தினேஷ் குமாா், ஊத்தங்கரை எம்எல்ஏ இளையராஜா, மாவட்ட வருவாய் அலுவலா் மஞ்சுளா, ஊரக வளா்ச்சி முகமைத் திட்ட இயக்குநா் உமா மகேஸ்வரி, மாவட்ட முதன்மைக் கல்வி அலுவலா் ஆா். மதன்குமாா் உள்ளிட்டோா் பங்கேற்றனா்.