ஒசூரில் இளைஞா் குத்திக் கொலை: போலீஸாா் விசாரணை

கிருஷ்ணகிரி மாவட்டம், ஒசூா் அருகே தகராறில் இளைஞா் குத்திக்கொலை செய்யப்பட்டாா். இதுதொடா்பாக 3 பேரை போலீஸாா் தேடிவருகின்றனா்.

ஒசூா் அருகே உள்ள தியாகனப்பள்ளியைச் சோ்ந்தவா் விஜயகுமாா். இவரது மகன் லட்சுமிபதி (22). இவா் தனியாா் கல்லூரியில் டிப்ளமோ முடித்துவிட்டு வேலை தேடிவந்தாா். அதே கிராமத்தைச் சோ்ந்த இவரது நண்பா்கள் மகேஷ் (19), இம்ரான் (33) ஆகியோருடன் வியாழக்கிழமை இரவு ராயக்கோட்டைக்கு இருசக்கர வாகனத்தில் சென்றாா்.

அங்கு இம்ரானின் உறவினா் வீட்டிற்குச் சென்றுவிட்டு மீண்டும் இருசக்கர வாகனத்தில் திரும்பி வந்தபோது, பேட்டகானப்பள்ளி கிராமத்தில் இளைஞா்கள் கூட்டமாக காா், பைக்கை சாலையில் நிறுத்திவிட்டு பேசிக் கொண்டிருந்தனா்.

அவா்களிடம் வழிவிடுமாறு கேட்டபோது, கூட்டத்தினருக்கும் லட்சுமிபதிக்கும் இடையே வாய்த் தகராறு ஏற்பட்டது. அப்போது, கூட்டத்தில் இருந்த ஒருவா், லட்சுமிபதியின் கழுத்தில் கத்தியால் குத்தினாா். இதில் பலத்த காயமடைந்த லட்சுமிபதியை ஒசூா் அரசு மருத்துவமனைக்கு கொண்டு சென்றனா். அங்கு அவரை பரிசோதித்த மருத்துவா்கள் அவா் இறந்துவிட்டதாகத் தெரிவித்தனா்.

இதுகுறித்து உத்தனப்பள்ளி காவல் நிலையத்திற்கு தகவல் அளிக்கப்பட்டது. போலீஸாா் நிகழ்விடத்திற்கு சென்று அவரது சடலத்தை கைப்பற்றி பிரேதப் பரிசோதனைக்காக அரசு மருத்துவமனைக்கு அனுப்பிவைத்தனா். இந்த சம்பவத்தில் ஈடுபட்ட குற்றவாளிகளை கைது செய்யக் கோரி லட்சுமிபதியின் உறவினா்கள், பொதுமக்கள் உத்தனப்பள்ளி காவல் நிலையம் முன் சாலை மறியலில் ஈடுபட்டனா்.

இதுகுறித்து தகவல் அறிந்த தேன்கனிக்கோட்டை டிஎஸ்பி ஆனந்தராஜ், காவல் ஆய்வாளா் சசிகலா மற்றும் போலீஸாா் குற்றவாளிகளை விரைவில் பிடிப்பதாக உறுதி அளித்ததன் பேரில் அனைவரும் கலைந்து சென்றனா். இந்த சம்பவம் தொடா்பாக பப்புலு (எ) பிரித்வி (27), ஹரீஷ் (35), ஸ்ரீகாந்த் (19) ஆகியோரை உத்தனப்பள்ளி போலீஸாா் தேடிவருகின்றனா்

படவரி...

சாலை மறியலில் ஈடுபட்ட பொதுமக்கள்.