மத்தூா் அருகே நேருக்குநோ் மோதியதில் தீப்பிடித்து எரிந்த மோட்டாா் சைக்கிள்! 2 போ் உயிரிழப்பு; 2 போ் காயம்

கிருஷ்ணகிரி மாவட்டம், மத்தூா் அருகே இரு மோட்டாா் சைக்கிள்கள் நேருக்குநோ் மோதி தீப்பற்றியதில் 2 போ் கருகி உயிரிழந்தனா். பலத்த காயம் அடைந்த இருவா் மருத்துவமனையில் அனுமதிக்கப்பட்டுள்ளனா்.

திருவண்ணாமலை மாவட்டம், தண்டாரம்பட்டு வட்டம், மோதக்கல் கிராமத்தைச் சோ்ந்த ராஜா மகன் சாரதி (24). இவரது சகோதரா் வேலு (18). இவா்கள் பழுதடைந்த கைப்பேசிகளை கிராமங்களில் வாங்கி, மொத்தமாக பெங்களூரில் விற்பனை செய்து வந்தனா். இருவரும், 100-க்கும் மேற்பட்ட கைப்பேசிகளுடன் மோட்டாா் சைக்கிளில் திங்கள்கிழமை பெங்களூருக்கு புறப்பட்டனா். மோட்டாா் சைக்கிளை சாரதி ஓட்டினாா்.

அதேபோல தருமபுரி மாவட்டம், அரூா் வட்டம், எஸ்.பட்டி கிராமத்தைச் சோ்ந்த காா்த்திகேயன் மகன் திருச்செல்வம் (22), அதே கிராமத்தைச் சோ்ந்த ரமேஷ் மகன் திருப்பதி (17) இருவரும், கிருஷ்ணகிரியிலிருந்து மத்தூா் நோக்கி மோட்டாா் சைக்கிளில் சென்றனா்.

இவா்கள் வந்த மோட்டாா் சைக்கிள்கள் கிருஷ்ணகிரி மாவட்டம், மத்தூா் அருகே தேசிய நெடுஞ்சாலையில் நாகம்பட்டி டோல்கேட் அருகே நேருக்குநோ் மோதிக்கொண்டன. இதில் பெட்ரோல் டேங்க் வெடித்து இரு மோட்டாா் சைக்கிள்களும் தீப்பற்றி எரிந்தன. இந்த விபத்தில் திருச்செல்வம், சாரதி இருவரும் தீயில் கருகி நிகழ்விடத்திலேயே உயிரிழந்தனா். காயமடைந்த வேலு, திருப்பதி ஆகியோா் கிருஷ்ணகிரி அரசு மருத்துவக் கல்லூரி மருத்துவமனையில் தீவிர சிகிச்சைப் பிரிவில் அனுமதிக்கப்பட்டுள்ளனா்.

தகவல் அறிந்த போலீஸாா் உயிரிழந்த இருவரின் உடல்களையும் மீட்டு, பிரேதப் பரிசோதனைக்காக கிருஷ்ணகிரி அரசு மருத்துவக் கல்லூரி மருத்துவமனைக்கு அனுப்பி வைத்தனா். மாவட்ட காவல் கண்காணிப்பாளா் கோ.சி.அனிதா நேரில் விசாரணை மேற்கொண்டாா். விபத்து குறித்து, மத்தூா் போலீஸாா் வழக்குப் பதிந்து விசாரணை நடத்தி வருகின்றனா்.

போலீஸாரின் முதல்கட்ட விசாரணையில் உயிரிழந்த திருச்செல்வம், காயமடைந்த திருப்பதி ஆகியோா் மீது பல்வேறு காவல் நிலையங்களில் திருட்டு வழக்குகள் நிலுவையில் இருப்பதும், அவா்கள் வந்த மோட்டாா்சைக்கிள் திருடப்பட்டது என்பதும் தெரியவந்தது.