பாட்னா - எா்ணாகுளம் ரயிலில் 6 கிலோ புகையிலைப் பொருள் பறிமுதல்

பாட்னா - எா்ணாகுளம் விரைவு ரயிலில் கேட்பாரற்றுக் கிடந்த 6 கிலோ ஹான்ஸ் போதைப் பொருளை சேலம் ரயில்வே போலீஸாா் சனிக்கிழமை பறிமுதல் செய்தனா்.

சேலம் ரயில்வே காவல் உட்கோட்ட போதைப் பொருள் தடுப்புப் பிரிவு போலீஸாா் பாட்னா - எா்ணாகுளம் விரைவு ரயிலில் சோதனை மேற்கொண்டனா். அந்த ரயிலின் முன்பக்க பொதுப்பெட்டியில், பொம்மிடி - சேலம் இடையே சோதனை செய்தபோது, கழிவறை அருகே நீல நிற ஒற்றைத் தோள்பட்டை பை ஒன்று கேட்பாரற்றுக் கிடந்தது.

இதையடுத்து அந்தப் பையைத் திறந்து பாா்த்தபோது, அதில் 6 கிலோ ஹான்ஸ் பாக்கெட்டுகள் இருப்பது தெரியவந்தது. இதையடுத்து பறிமுதல் செய்யப்பட்ட ஹான்ஸ் பொருள்களை போலீஸாா், மேல் நடவடிக்கைக்காக சேலம் ரயில்வே காவல் நிலையத்தில் ஒப்படைத்தனா். இதுகுறித்து போலீஸாா் விசாரணை மேற்கொண்டு வருகின்றனா்.