தலைமைத் தோ்தல் ஆணையா் பதவி விலகக் கோரி ரயில் மறியல்: 50 போ் கைது

தலைமை தோ்தல் ஆணையா் ஞானேஷ் குமாா் பதவி விலகக் கோரி சேலத்தில் ரயில் மறியல் செய்ய முயன்ற இளைஞா் பெருமன்றத்தினா் 50 போ் கைது செய்யப்பட்டனா்.

இந்திய தோ்தல் ஆணையத்தின் வாக்காளா் பட்டியல் சிறப்பு தீவிர திருத்த நடவடிக்கைக்கு எதிா்ப்புத் தெரிவித்து, அனைத்திந்திய இளைஞா் பெருமன்றம் மற்றும் அனைத்திந்திய மாணவா் பெருமன்றம் சாா்பில் நாடு தழுவிய போராட்டம் அறிவிக்கப்பட்டிருந்தது. அதன் ஒரு பகுதியாக சேலம் ஜங்ஷன் ரயில் நிலையம் முன் சனிக்கிழமை போராட்டம் நடைபெற்றது.

போராட்டத்துக்கு இரா. ரமேஷ், பா. நேதாஜி ஆகியோா் தலைமை தாங்கினா். போராட்டத்தில் பங்கேற்றவா்கள் தலைமை தோ்தல் ஆணையா் ஞானேஷ் குமாா் பதவி விலகக் கோரி முழக்கங்களை எழுப்பினா்.

அனைத்திந்திய மாணவா் பெருமன்றத்தின் மாநிலச் செயலாளா் பா. தினேஷ் போராட்டத்தில் பங்கேற்று பேசினாா். இந்திய கம்யூனிஸ்டு கட்சியின் சேலம் மாவட்டச் செயலாளா் என்.கே. செல்வராஜ், நிா்வாகிகள் கே.பி.வி. ராஜேஷ், டி. அசோக் மற்றும் இளைஞா் பெருமன்றம், மாணவா் பெருமன்றத்தைச் சோ்ந்தவா்கள் ரயில் மறியலில் ஈடுபட முயன்றனா்.

இதையடுத்து, அங்கு பாதுகாப்புப் பணியில் ஈடுபட்டிருந்த போலீஸாா் அவா்களைத் தடுத்து நிறுத்தி கைது செய்தனா். இந்த சம்பவத்தில் பெண்கள் 2 போ் உள்பட 50 போ் கைது செய்யப்பட்டனா்.