பணி முடிந்து திரும்பிய காவல் லாரி சக்கரத்தில் சிக்கி உயிரிழப்பு

சேலம் கந்தம்பட்டி மேம்பாலத்தில் லாரி சக்கரத்தில் சிக்கி காவலா் உயிரிழந்தாா்.

சேலம் மாவட்டம், மேச்சேரி அருகே உள்ள வாழத்தாசம்பட்டியைச் சோ்ந்தவா் தினேஷ் (38). இவா், எடப்பாடி காவல் நிலையத்தில் காவலராகப் பணியாற்றி வந்தாா். காா் ஓட்டுநராகப் பணியாற்றி வந்த தினேஷுக்கு, ஏத்தாப்பூா் முருகன் கோயில் குடமுழுக்கு விழாவையொட்டி பாதுகாப்புப் பணி ஒதுக்கப்பட்டிருந்தது.

அதன்படி தினேஷ் அங்கு சென்றிருந்தாா். பணி முடிந்து ஞாயிற்றுக்கிழமை காலை 10 மணிக்கு இருசக்கர வாகனத்தில் வீடுதிரும்பிக் கொண்டிருந்தாா்.

அப்போது, சேலம்- பெங்களூரு சாலையில் கந்தம்பட்டி மேம்பாலத்தில் சென்றபோது, முன்னால் சென்ற காரின் மீது லேசாக மோதி கீழே சரிந்து விழுந்தாா். அப்போது, பின்னால் வேகமாக வந்த லாரி அவா்மீது மோதியது. இதில், பலத்த காயமடைந்த தினேஷை அந்த வழியாக சென்றவா்கள் மீட்டு அருகில் உள்ள தனியாா் மருத்துவமனைக்கு அனுப்பி வைத்தனா். ஆனால், வழியிலேயே அவா் உயிரிழந்தாா்.

தகவலறிந்த சூரமங்கலம் காவல் ஆய்வாளா் கிருஷ்ணமூா்த்தி மற்றும் போலீஸாா் சம்பவ இடத்துக்கு சென்று விசாரணை நடத்தினா். தினேஷின் உடலை மீட்டு பிரேதப் பரிசோதனைக்காக சேலம் அரசு மருத்துவமனைக்கு அனுப்பிவைத்தனா். மேலும், இதுகுறித்து போலீஸாா் விசாரணை நடத்தி வருகின்றனா்.