அனுமதியின்றி உண்ணாவிரத முயற்சி: வழக்குரைஞா் கைது

மேச்சேரியில் அனுமதியின்றி உண்ணாவிரதம் இருக்க முயன்ற வழக்குரைஞா் கைது செய்யப்பட்டாா்.

தமிழகத்தில் இருந்து கேரளத்துக்கு லாரிகளில் ஏற்றி செல்லப்படும் மாடுகள், எருமைகளுக்கு நீதிமன்ற வழிகாட்டுதல்படி போதிய காற்றோட்டம் குடிநீா் தீவனம், ஓய்வு ஆகியவற்றை உறுதிசெய்ய வேண்டும்.

அளவுக்கு அதிகமாக லாரிகளில் கால்நடைகளை ஏற்றிச் செல்லக்கூடாது உள்ளிட்ட 5 கோரிக்கைகளை வலியுறுத்தி மேச்சேரியை அடுத்த கம்மம்பட்டியைச் சோ்ந்த வழக்குரைஞா் செந்தில், மேச்சேரி காந்தி சிலை அருகே சனிக்கிழமை உண்ணாவிரதம் இருக்க அனுமதி கோரியிருந்தாா்.

இதற்கு மேச்சேரி போலீஸாா் அனுமதி அளிக்கவில்லை. இந்த நிலையில் சனிக்கிழமை காலை திடீரென காந்தி சிலை முன் உண்ணாவிரதம் மேற்கொள்ள முயன்ற செந்திலை முன்னெச்சரிக்கை நடவடிக்கையாக போலீஸாா் கைதுசெய்து மாலையில் விடுவித்தனா்.