திமுக தெருமுனைப் பிரசாரம்

நத்தம்  ஒன்றிய திமுக மற்றும் இளைஞர் அணி சார்பில், நமக்கு நாமே சுற்றுப்பயண விளக்க தெருமுனைப் பிரசாரக் கூட்டம் சனிக்கிழமை நடத்தப்பட்டது.

  இந்த தெருமுனைப் பிரசாரக் கூட்டம் பரளி, வத்திபட்டி, சமுத்திராபட்டி, மணக்காட்டுர், செந்துறை, நத்தம் பேருந்து நிலையம் உள்ளிட்ட 10 இடங்களில் நடந்தன.   திமுக பொருளாளர்  மு.க. ஸ்டாலின் நத்தம் பகுதிக்கு வருவதையொட்டி முன்னேற்பாடாக நடத்தப்பட்ட இந்தக் கூட்டத்துக்கு, தெற்கு ஒன்றியச் செயலர் ரத்தினகுமார் தலைமை வகித்தார். பொதுக் குழு உறுப்பினர் ராஜ்மோகன், நகரச் செயலர் முத்துக்குமாரசாமி, ஆண்டிஅம்பலம் ஆகியோர் முன்னிலை வகித்தனர். வடக்கு ஒன்றியச் செயலர் வெள்ளைச்சாமி வரவேற்றார். இதில், ஒன்றிய, நகரக் கிளை நிர்வாகிகள் கலந்துகொண்டனர். மாவட்ட இளைஞர் அணி துணை அமைப்பாளர் பதுருஸ்ஸமான் நன்றி கூறினார்.