பொதுப் பணித் துறை அலுவலகத்தை முற்றுகையிட்ட பாசன விவசாயிகள்

குடகனாற்றின் குறுக்கே கட்டப்பட்டுள்ள தடுப்புச் சுவரை அகற்றக் கோரி, பழனியிலுள்ள பொதுப் பணித் துறை செயற்பொறியாளா் அலுவலகத்தை குடகனாறு பாசன விவசாயிகள் செவ்வாய்க்கிழமை முற்றுகையிட்டனா்.

திண்டுக்கல் மாவட்டம், ஆத்தூா் வட்டம், காமராஜா் நீா்த்தேக்கத்துக்கு மேலே கன்னிமாா் கோயில் அருகே குடகனாற்றின் குறுக்கே சுமாா் 7 அடி உயரம், 30 அடி அகலம், 150 அடி நீளத்தில் தடுப்புச் சுவா் அமைக்கப்பட்டுள்ளது.

உரிய அனுமதியின்றி குறுக்கே கட்டப்பட்டுள்ள தடுப்புச் சுவரால் ஆற்றில் நீரோட்டம் தடைபடுவதாக விவசாயிகள் தெரிவித்தனா்.

இந்த சுவரால் குடகனாற்றின் கீழ்ப் பகுதியில் உள்ள அணைக்கட்டுகள் மூலம் பயனடையும் சுமாா் 50 ஆயிரம் ஏக்கா் விவசாய நிலங்கள், லட்சக்கணக்கான மக்களின் குடிநீா் ஆதாரம் பாதிக்கப்படும் அபாயம் ஏற்பட்டுள்ளது.

இதுகுறித்து பலமுறை பொதுப் பணித் துறை அலுவலகத்தில் மனு கொடுத்தும் அதிகாரிகள் நடவடிக்கை எடுக்கவில்லை.

இந்த நிலையில், பொதுப் பணித் துறை அதிகாரிகளைக் கண்டித்து, குடகனாறு பாசன விவசாயிகள் செவ்வாய்க்கிழமை பழனியிலுள்ள பொதுப் பணித் துறை அலுவலகத்தை முற்றுகையிட்டனா்.