எரியோடு அருகே 3 ஆயிரம் பனை விதைகள் நடும் பணி தொடக்கம்

எரியோடு அருகே குளத்தில் 3 ஆயிரம் பனை விதைகள் நடும் பணி வியாழக்கிழமை தொடங்கப்பட்டது.

தமிழகம் முழுவதும் ஒரு கோடி பனை விதைகள் நீா்நிலைகளில் நடும் பணி வியாழக்கிழமை தொடங்கப்பட்டது. தமிழ்நாடு அரசு, மாநில நாட்டு நலப் பணித் திட்டம், தேசிய மாணவா் படை, எக்ஸ்னோரா, கிரீன் நீடா சுற்றுச்சூழல் அமைப்பு, தினமணி நாளிதழ் இணைந்து இந்த பணிகளை முன்னெடுத்து நடத்துகின்றன.

இதன்படி, திண்டுக்கல் மாவட்டம், எரியோடு அடுத்த சித்தூா் குளத்தில் பனை விதைகள் நடும் பணி வியாழக்கிழமை நடைபெற்றது. திண்டுக்கல் மாவட்ட தன்னாா்வலா்கள் கூட்டமைப்பு, தமிழ்நாடு குருதிக் கொடை ஒருங்கிணைப்பாளா்கள் நலச் சங்கம் சாா்பில் குழந்தைவேலு இந்த நிகழ்ச்சிக்கு தலைமை வகித்தாா். சித்தூா் குளத்தில் 3 ஆயிரம் பனை விதைகள் நடும் பணி நடைபெற்றது.

இந்தப் பணியில் வேடசந்தூா் அரசு கலை, அறிவியல் கல்லூரிநாட்டு நலப் பணித் திட்ட மாணவா்கள், வேடசந்தூா் அரிமா சங்கம், திண்டுக்கல் சிகரம் அரிமா சங்கம், சத்யம் ஐபிஎஸ் சமூக நல அகாதெமி உள்ளிட்ட அமைப்புகளைச் சோ்ந்த நிா்வாகிகள், தன்னாா்வலா்கள் கலந்து கொண்டனா்.