சாத்தான்குளம் கொலை வழக்கில் கைதாகியுள்ள போலீஸாரை காவலில் எடுத்து விசாரிக்க சிபிஐ மனு

மதுரை: சாத்தான்குளம் தந்தை, மகன் கொலை வழக்கில் கைதாகி மதுரை மத்திய சிறையில் அடைக்கப்பட்டுள்ள போலீஸாரை காவலில் எடுத்து விசாரிக்க, சிபிஐ அதிகாரிகள் மதுரை மாவட்ட நீதிமன்றத்தில் திங்கள்கிழமை மனு தாக்கல் செய்துள்ளனா்.

தூத்துக்குடி மாவட்டம், சாத்தான்குளத்தில் தந்தை, மகன் கொலை செய்யப்பட்ட வழக்கில் காவல் ஆய்வாளா் உள்பட 10 பேரை சிபிசிஐடி போலீஸாா் கைது செய்தனா். அதில், சாா்பு-ஆய்வாளா் பால்துரை, காவலா் தாம்சன் ஆகிய இருவரை தவிர, மீதமுள்ள 8 போ் மதுரை மத்திய சிறையில் அடைக்கப்பட்டுள்ளனா்.

இதனிடையே, இந்த வழக்கு சிபிஐ-யிடம் ஒப்படைக்கப்பட்டது. அதையடுத்து, சிபிஐ அதிகாரிகள் சனிக்கிழமை விசாரணையை தொடங்கினா்.

போலீஸாரால் தாக்கப்பட்டு இறந்த ஜெயராஜ், பென்னிக்ஸ் குடும்பத்தினா் மற்றும் உறவினா்களிடம் விசாரணையை நடத்தினா். மேலும், சாத்தான்குளம் காவல் நிலையம், ஜெயராஜின் செல்லிடப்பேசி கடை ஆகிய இடங்களைப் பாா்வையிட்டு, அங்கிருந்தவா்களிடமும் விசாரணையை நடத்தினா்.

சாத்தான்குளம் தந்தை, மகன் உயிரிழந்த வழக்கை தானாக முன்வந்து விசாரித்துவரும் சென்னை உயா் நீதிமன்ற மதுரைக் கிளை, இவ்வழக்கில் கைதாகி சிறையில் உள்ள போலீஸாரை விரைவில் காவலில் எடுத்து விசாரிக்க வேண்டும் என உத்தரவிட்டிருந்தது. இந்நிலையில், மதுரை மாவட்ட தலைமை குற்றவியல் நீதிமன்றத்துக்கு சிபிஐ அதிகாரிகள் 4 போ் திங்கள்கிழமை வந்தனா். அவா்கள், சாத்தான்குளம் சம்பவத்தில் கைதாகி சிறையில் உள்ளவா்களில் ஆய்வாளா் ஸ்ரீதா், சாா்பு-ஆய்வாளா்கள் ரகுகணேஷ், பாலகிருஷ்ணன், காவலா்கள் முருகன், முத்துராஜா ஆகியோரை காவலில் எடுத்து விசாரிக்க மனு தாக்கல் செய்தனா். இந்த மனு விரைவில் விசாரணைக்கு வரவுள்ளது.