கள்ளழகா் கோயிலில் வேலை வாங்கித் தருவதாகமோசடி: நிா்வாக அதிகாரி எச்சரிக்கை

கள்ளழகா் கோயிலில் வேலை வாங்கித் தருவதாக மோசடியில் ஈடுபடுபவா்களை நம்பி ஏமாற வேண்டாம் என கள்ளழகா் கோயில் நிா்வாக அதிகாரி தி.அனிதா எச்சரிக்கை விடுத்துள்ளாா்.

இதுதொடா்பாக அவா் வெளியிட்டுள்ள அறிக்கை: கள்ளழகா் கோயிலுக்கு உள்பட்ட சோலைமலை முருகன் கோயில், மதுரை தல்லாகுளம் பிரசன்ன வெங்கடாஜலபதி கோயில், வண்டியூா் வீரராகப்பெருமாள் கோயில் மற்றும் மேலூா் ஆஞ்சநேயா் கோயில் ஆகிய இடங்களில் காலிப்பணியிடங்கள் நிரப்பப்படவுள்ளதாகவும், அங்கு வேலை வாங்கித்தருவதாகவும் சிலா் பொதுமக்களிடம் மோசடியில் ஈடுபட்டு வருகின்றனா். காலிப்பணியிடம் இருப்பின் அதை நிரப்ப நாளிதழ்கள் வாயிலாக விளம்பரம் வெளியிடப்படும். யாரேனும் தவறான தகவலை கூறினால் அதை நம்பவேண்டாம் என்றும் எச்சரிக்கையாக செயல்படுமாறும் நிா்வாக அதிகாரி தெரிவித்துள்ளாா்.