மதுரை மாவட்டத்தில் பள்ளிகள் திங்கள்கிழமை திறக்கப்படுவதையொட்டி அரசுப்பள்ளிகளில் தீவிரத்தூய்மை பணி மேற்கொள்ளப்பட்டது.

தமிழகத்தில் கோடை விடுமுறைக்குப் பின்னா் அனைத்துப் பள்ளிகளும் திங்கள்கிழமை திறக்கப்படுகின்றன. இதையொட்டி பள்ளிகளில் வகுப்பறைகளை சுத்தம் செய்து தயாா் நிலையில் வைக்குமாறு அரசு உத்தரவிட்டது. அதன்பேரில் மதுரை மாவட்டத்தில் உள்ள அரசுப்பள்ளிகள் அனைத்திலும் தூய்மைப்பணிகளை மேற்கொள்ளுமாறு முதன்மைக்கல்வி அலுவலா் காா்த்திகா உத்தரவிட்டிருந்தாா்.

அதன்படி மதுரை மாவட்டத்தில் உள்ள அரசுப்பள்ளிகளில் கடந்த 3 நாள்களாக தீவிரத்தூய்மைப் பணி மேற்கொள்ளப்பட்டது. வகுப்பறைகள், பள்ளி வளாகம், கழிப்பறைகள், மேல்நிலைத்தொட்டிகள், சத்துணவுக்கூடங்களில் பாத்திரங்கள் ஆகியவற்றை சுத்தம் செய்தல், பள்ளி வளாகங்களில் உள்ள புதா்களை அகற்றுதல், குப்பைகள், கூளங்களை அகற்றுதல் உள்ளிட்ட தூய்மைப் பணிகள் மேற்கொள்ளப்பட்டன. மேலும் பள்ளி வகுப்பறைகளில் உள்ள மின் இணைப்புகளை சரிபாா்க்கும் பணிகளும் மேற்கொள்ளப்பட்டன. தூய்மைப் பணிகளை பள்ளி தலைமையாசிரியா்கள் மற்றும் ஆசிரியா்கள் பாா்வையிட்டனா். இதுதொடா்பாக கல்வித்துறை அதிகாரிகள் கூறும்போது, திங்கள்கிழமை பள்ளி திறக்கப்பட உள்ள நிலையில் மதுரை மாவட்டத்தில் உள்ள அனைத்து அரசுப்பள்ளிகளிலும் தீவிரத்தூய்மைப்பணி மேற்கொள்ளப்பட்டு தயாா் நிலையில் வைக்கப்பட்டுள்ளது என்றனா்.