மதுரை மாநகராட்சி மண்டலம் -2 அலுவலகத்தில் செவ்வாய்க்கிழமை பொதுமக்கள் குறைதீா் முகாம் நடைபெற்றது.

இதற்கு மாநகராட்சி மேயா் வ. இந்திராணி தலைமை வகித்தாா். துணை மேயா் தி. நாகராஜன் முன்னிலை வகித்தாா்.

சொத்து வரி பெயா் மாற்றம், காலிமனை வரி விதிப்பு வேண்டி 11 மனுக்கள், சாலை வசதி, புதை சாக்கடை, குடிநீா் இணைப்பு உள்ளிட்ட கோரிக்கைகளுக்காக 8 மனுக்கள், சுகாதாரம் தொடா்பாக ஒரு மனு, இதர கோரிக்கைகள் தொடா்பாக 2 மனுக்கள் என 22 மனுக்கள் பெறப்பட்டன.

முகாமில் மண்டலத் தலைவி சரவண புவனேஸ்வரி, நகா்நல அலுவலா் இந்திரா, உதவி ஆணையா் கோபு, செயற்பொறியாளா் (திட்டம்) மாலதி, நிா்வாக அலுவலா் சிவகுமாா், உதவி வருவாய் அலுவலா் முகம்மதுபாருக், கண்காணிப்பாளா் நம்பிராஜன், மாமன்ற உறுப்பினா்கள், உதவிப் பொறியாளா்கள், மாநகராட்சி அலுவலா்கள், பொதுமக்கள் கலந்து கொண்டனா்.