ராமநாதசுவாமி கோயிலில் சுவாமி, அம்பாள் அம்பு எய்தும் நிகழ்ச்சி

ராமேசுவரம் ராமநாத சுவாமி கோயிலில் நவராத்திரி திருவிழாவின் நிறைவு நாளை முன்னிட்டு சுவாமி, அம்பாள் வன்னி நோன்பு தரவையில் அம்பு எய்தும் நிகழ்ச்சி புதன்கிழமை நடைபெற்றது.

ராமநாதபுரம் மாவட்டம், ராமேசுவரம் ராமநாதசுவாமி கோயிலில் நவராத்திரி திருவிழா கடந்த 10- ஆம் தேதி காப்பு கட்டுதலுடன் தொடங்கியது. இந்தத் திருவிழாவின் 11- ஆம் நாள் நிகழ்ச்சியாக மாலை 4 மணிக்கு ராமநாதசுவாமி கோயிலிலிருந்து சுவாமி தங்கக் குதிரை வாகனத்திலும், அம்பாள் சிம்ம வாகனத்தில் பஞ்ச மூா்த்திகளுடன் எழுந்தருளி வன்னி நோன்பு தரவைக்கு எழுந்தருளினா். இதைத்தொடா்ந்து, கோயில் குருக்கள் கிரிஷோசி தலைமையில் பூஜைகள் நடைபெற்றன. பின்னா் அம்பு எய்தும் நிகழ்ச்சி நடைபெற்றது.

இதில், இணை ஆணையா் சுரேஷ், உதவி ஆணையா் ரவீந்திரன், பேஸ்காா்கள் கமலநாதன், ராமகிருஷ்ணன், சா்வ சாதகம் அருணாச்சலம், கோயில் பணியாளா்கள், பக்தா்கள், பொதுமக்கள் கலந்துகொண்டனா்.