தேங்கிய மழை நீரை அகற்றும் பணி: ஆட்சியா் ஆய்வு

ராமநாதபுரம் மாவட்டத்தில் மழை நீா் தேங்கிய இடங்களில் தண்ணீரை அகற்றும் பணிகளை மாவட்ட ஆட்சியா் மா.சிவகுருபிரபாகரன் திங்கள்கிழமை பாா்வையிட்டு, ஆய்வு செய்தாா்.

வங்கக் கடலில் குறைந்த காற்றழுத்த தாழ்வு மண்டலம் வலுவடைந்து புயலாக மாறிய நிலையில், ராமநாதபுரம் மாவட்டத்தில் பல்வேறு பகுதிகளில் விடிய விடிய மழை பெய்யது. ராமேசுவரத்தில் 114.60 மி.மீ., தங்கச்சிமடத்தில் 119 மி.மீ., பாம்பனில் 113.60 மி.மீ., மண்டபத்தில் 96 மி.மீ., ராமநாதபுரத்தில் 35 மி.மீ., பரமக்குடியில் 92 மி.மீ., ஆா்.எஸ்.மங்கலத்தில் 108 மி.மீ., மழை பெய்துள்ளது.

இந்த நிலையில், ராமநாதபுரம் மாவட்டம், மண்டபம் இலங்கைத் தமிழா் மறுவாழ்வு முகாமில் மழை காரணமாகச் சேதமடைந்த குடியிருப்புகளை மாவடட ஆட்சியா் மா.சிவகுரு பிரபாரகன் பாா்வையிட்டு ஆய்வு செய்தாா். இதே போன்று, வேதாளை, பட்டணம் காத்தான் உள்ளிட்ட பகுதிகளைப் பாா்வையிட்டு, தேங்கிய மழை நீரை வெளியேற்ற நடவடிக்கை எடுக்கவும் அலுவலா்களுக்கு அவா் உத்தரவிட்டாா்.

இந்த ஆய்வின்போது வட்டாட்சியா், வட்டார வளா்ச்சி அலுவலா்கள் உள்பட பலா் கலந்து கொண்டனா்.

இந்த நிலையில், ராமநாதபுரம் மாவட்ட மீனவா்களுக்கு எச்சரிக்கை விடுக்கும் விதமாக பாம்பன் து்றைமுகத்தில் இரண்டாம் எண் புயல் கூண்டு திங்கள்கிழமை ஏற்றப்பட்டது. மேலும், மீன்பிடிக்கச் சென்ற மீனவா்கள் பாதுகாப்புடன் மீன் பிடிக்க வேண்டும் எனவும் அறிவுறுத்தப்பட்டது.