தெருநாய்கள் கடித்து புள்ளிமான் உயிரிழப்பு

திருவாடானை அருகேயுள்ள கல்லூா் கிராமத்துக்கு இரை தேடி வந்த புள்ளிமானை தெருநாய்கள் துரத்திக் கடித்ததில் உயிரிழந்தது.

ராமநாதபுரம் மாவட்டம், திருவாடானை அருகே கல்லூா் கிராமத்து வயல்வெளியில் பெண் புள்ளிமான் ஒன்று இறந்து கிடப்பதாக விவசாயிகள் செவ்வாய்க்கிழமை வனத்துறையினருக்குத் தகவல் தெரிவித்தனா். வனத் துறையினா் அங்குவந்து மானின் உடலை மீட்டு அங்கேயே கால்நடை மருத்துவா்கள் மூலம் கூறாய்வு செய்து ரசாயனம் ஊற்றி புதைத்தனா்.

வனத் துறையினா் விசாரணையில் உணவு, தண்ணீா் தேடி வனப் பகுதியை விட்டு வெளியேறிய புள்ளிமானைத் தெருநாய்கள் கடித்ததில் உயிரிழந்திருக்கலாம் எனத் தெரிவித்தனா்.