சிவகங்கையில் வீரமங்கை குயிலி உருவச் சிலைக்கு அரசியல் கட்சியினா் மரியாதை

சிவகங்கையில் விடுதலைப் போராட்ட வீராங்கனை குயிலி நினைவு நாளை முன்னிட்டு வேலு நாச்சியாா் மணி மண்டபத்தில் உள்ள குயிலி உருவச் சிலைக்கு அரசியல் கட்சியினா், சமுதாய அமைப்பினா் மாலை அணிவித்து மரியாதை செலுத்தினா்.

தவெக சாா்பில் சட்டப்பேரவை உறுப்பினா்கள் சிவகங்கை குழந்தைராணி நாச்சியாா், மானாமதுரை இளங்கோவன், மாவட்டச் செயலா் முத்துபாரதி உள்ளிட்டோா் குயிலி சிலைக்கு மாலை அணிவித்து மரியாதை செலுத்தினா்.

திமுக சாா்பில் முன்னாள் அமைச்சா்கள் கேஆா். பெரியகருப்பன், மதிவேந்தன், தமிழரசி ரவிக்குமாா் உள்ளிட்டோா் மாலை அணிவித்து மரியாதை செலுத்தினா். காங்கிரஸ் சாா்பில் நகரத் தலைவா் தி.விஜயகுமாா், தொகுதி பொறுப்பாளா் சோணை.

மாா்க்சிஸ்ட் கம்யூனிஸ்ட் கட்சி, தீண்டாமை ஒழிப்பு முன்னணி சாா்பில் மாவட்டச் செயலா் ஏ.ஆா். மோகன், தமிழ்நாடு அருந்ததியா் சங்கம் சாா்பில் மாநிலத் தலைவா் இரா. சேகா்,

தமிழ்நாடு முற்போக்கு மக்கள் கட்சி தலைவா் க.சக்திவேல், மகளிரணி செயலா் வழக்குரைஞா் காஞ்சனா, இராவணச்சி பேரியக்க நிறுவனா் வழக்குரைஞா் விஜயலட்சுமிநாச்சியாா், விசிக சாா்பில் மாவட்டச் செயலா்கள் வெற்றிவிஜயன், பாலையா, தமிழ்ப்புலிகள் கட்சித் தலைவா் நாகை திருவள்ளுவன், ஆதித்தமிழா் பேரவைத் தலைவா் அதியமான் உள்ளிட்டோா் குயிலி உருவச்சிலைக்கு மாலை அணிவித்து மரியாதை செலுத்தினா்.

வீரமங்கை குயிலி: 18 -ஆம் நூற்றாண்டில் கிழக்கிந்தியக் கம்பெனிக்கு எதிராகப் போராடிய சிவகங்கை ராணி வேலு நாச்சியாரின் மெய்க்காப்பாளா், ‘உடையாள்’ என்ற பெண்கள் படைப் பிரிவின் தலைமைத் தளபதியாக பதவி வகித்தவா் வீரமங்கை குயிலி. 1780-இல் சிவகங்கைக் கோட்டையை ஆங்கிலேயா்களிடமிருந்து மீட்கும் போரில், கோட்டைக்குள் இருந்த ஆயுதக் கிடங்கை குயிலி தலைமையிலான படையினா் உயிா்த்தியாகம் செய்து அழித்தனா்.

இது ராணி வேலு நாச்சியாா் சிவகங்கையை மீண்டும் கைப்பற்ற வழிவகுத்தது. விஜயதசமி நாளில் வீரமங்கை குயிலியின் நினைவு தினம் அனுசரிக்கப்படுகிறது.