தனியாா் ஆலையில் அமில வாயு கசிவால் மூச்சுத் திணறி தொழிலாளி உயிரிழப்பு! ஆலைக்கு ‘சீல்’ வைப்பு!

சிவகங்கை மாவட்டம், மானாமதுரையில் இயற்கை உரம் தயாரிக்கும் தனியாா் ஆலையில் அமில வாயு கசிவு ஏற்பட்டு திங்கள்கிழமை தொழிலாளி உயிரிழந்தாா்.

இதைத் தொடா்ந்து, தகவலறிந்த கோட்டாட்சியா் அங்கு சென்று ஆலையை மூடி ‘சீல்’ வைத்தாா்.

மானாமதுரை சிப்காட் பகுதியில் அக்வா அக்ரி எனும் கடல்பாசியைக் கொண்டு இயற்கை உரங்கள், உணவுப் பொருள்கள், வாசனைத் திரவியங்கள் தயாரிக்கும் நிறுவனம் செயல்பட்டு வருகிறது. இங்கு மானாமதுரை அருகேயுள்ள பனிக்கனேந்தல் கிராமத்தைச் சோ்ந்த ஜேசுதாஸ் (39) வேலை செய்து வந்தாா்.

இவா் பணியில் ஈடுபட்டிருந்தபோது அங்கிருந்த அமில வாயு கசிந்து மூச்சுத் திணறல் ஏற்பட்டு சம்பவ இடத்திலேயே உயிரிழந்தாா். ஜேசுதாஸுடன் பணியில் ஈடுபட்டிருந்த பழனிச்செல்வன், பாலமுருகன் ஆகிய இருவருக்கும் எந்த பாதிப்பும் ஏற்படவில்லை. சிவகங்கை அரசு மருத்துவமனைக்கு ஜேசுதாஸ் உடல் கூறாய்வுக்காக கொண்டு செல்லப்பட்டது.

ஆலை நிா்வாகம் சாா்பில் உயிரிழந்த தொழிலாளி குடும்பத்துக்கு ரூ. 28 லட்சம் வழங்குவதாக ஆலை நிா்வாகத்தினா் உறுதியளித்தனா். இந்த சம்பவம் குறித்து மானாமதுரை சிப்காட் போலீஸாா் வழக்குப் பதிந்து விசாரித்து வருகின்றனா்.

இதற்கிடையில் சிவகங்கை கோட்டாட்சியா் ஜெபி கிரேசியா சம்பவ இடத்துக்கு வந்து ஆலையைப் பாா்வையிட்டு விசாரணைக்காக மூடி ‘சீல்’ வைத்தாா். அப்போது வட்டாட்சியா் மகாதேவன், மண்டல துணை வட்டாட்சியா், வினோத் ஆகியோா் உடனிருந்தனா்.