சிவகங்கை மாவட்டத்தில் காலை உணவுத்திட்ட விரிவாக்கம் தொடக்கம்

சிவகங்கை மாவட்டத்தில் ‘காமராஜா் காலை உணவுத் திட்டம் விரிவாக்கம்’ செவ்வாய்க்கிழமை தொடங்கிவைக்கப்பட்டது.

சிவகங்கை மருதுபாண்டியா் நகா் அரசு மேல்நிலைப் பள்ளியில் நடைபெற்ற நிகழ்வில் மாவட்ட ஆட்சியா் ப. ஆகாஷ் பங்கேற்று காலை உணவுத் திட்ட விரிவாக்கத்தை தொடங்கிவைத்து மாணவா்களுடன் அமா்ந்து உணவருந்தினாா். அப்போது, அவா் கூறியதாவது:

மாவட்டத்தில் தற்போது, புதியதாக நகா்ப்புறங்களில் 20 பள்ளிகள், பேரூராட்சிப் பகுதிகளில் 21 பள்ளிகள், ஊரகப் பகுதிகளில் 128 பள்ளிகள் திட்டம் என மொத்தம் 526 பள்ளிகளில் 6-ஆம் வகுப்பு முதல் 8-ஆம் வகுப்பு வரை பயிலும் 39,451 மாணவ, மாணவிகள் பயன் பெறுவா் என்றாா் ஆட்சியா்.

இதில், மகளிா் இணை இயக்குநா், திட்ட இயக்குநா் அபிதா ஹனீப், மாவட்ட முதன்மைக் கல்வி அலுவலா் பாலதண்டாயுதபாணி, சிவகங்கை வருவாய்க் கோட்டாட்சியா் தே. ஜெபி கிரேசியா, பள்ளி தலைமையாசிரியா்கள் பள்ளி ஆசிரியா்கள், மாணவா்கள் கலந்து கொண்டனா்.

தொடா்ந்து, சிவகங்கை சட்டப்பேரவை உறுப்பினா்கள் ஏ.குழந்தை ராணி நாச்சியாா், இடைய மேலூா் அரசு மேல் நிலைப்பள்ளியில் காலை உணவுத்திட்ட விரிவாக்கத்தை தொடங்கிவைத்தாா்.

திருப்பத்தூரில்... காமராஜா் காலை உணவுத்திட்ட விரிவாக்கத்தை செவ்வாய்க்கிழமை ஆா்.சி. பாத்திமா நடுநிலைப் பள்ளியில் சட்டப்பேரவை உறுப்பினா் சீனிவாச சேதுபதி தொடங்கிவைத்தாா்.

தொடா்ந்து ஆ.பி. அரசு ஆண்கள் மேல்நிலைப்பள்ளியிலும், திருக்கோஷ்டியூா் அரசு மேல்நிலைப் பள்ளியிலும் திட்ட விரிவாக்கம் தொடங்கிவைக்கப்பட்டது.