நல்லாசிரியர் விருதுபெற்றவர்களுக்கு பாராட்டு விழா

விருதுநகரில் நல்லாசிரியர் விருது பெற்ற ஆசிரியர்களை சட்டப்பேரவை உறுப்பினர் பாராட்டி நினைவு பரிசுகளை வழங்கினார்.

    விருதுநகர் ஷத்திரிய பெண்கள் மேல்நிலைப்பள்ளி வளாக அரங்கத்தில் ஞாயிற்றுக்கிழமை நல்லாசிரியர் விருது பெற்றவர்களுக்குப் பாராட்டுவிழா நடைபெற்றது.

  விருது பெற்ற விருதுநகர் சட்டப்பேரவை தொகுதிக்குள்பட்ட ஷத்திரிய பெண்கள் மேல்நிலைப்பள்ளியின் தலைமை ஆசிரியர் ஞானசெளந்தரி, ஹாஜி பி.செய்யது முகமது மேல்நிலைப்பள்ளியின் முதுகலை பட்டதாரி ஆசிரியர் இப்ராஹிம், ஜமீன்சல்வார்பட்டி ஊராட்சி ஒன்றிய நடுநிலைப்பள்ளியின் ஆசிரியர் முத்து ஆகியோர் பாராட்டப்பட்டனர்.

விழாவிற்கு மாவட்ட முதன்மைக் கல்வி அலுவலர் புகழேந்தி தலைமை வகித்தார்.

 மாவட்ட கல்வி அலுவலர் ராமசந்திரன் முன்னிலை வகித்தார். சிறப்பு விருந்தினராக விருதுநகர் சட்டப்பேரவை உறுப்பினர் க.பாண்டியராஜன் பங்கேற்று நல்லாசிரிய விருது பெற்ற ஆசிரியர்களுக்கு நினைவுப் பரிசு வழங்கினார்.

     இதில், விருதுநகர் அதிமுக நகர செயலாளர் நயினார் முகமது, ஒன்றிய செயலாளர் மூக்கையா, நகராட்சி உறுப்பினர் பொன்னுச்சாமி உள்ளிட்ட பலர் கலந்து கொண்டனர்.