பாலம் சீரமைக்கும் பணிகள் தொடக்கம்

சேத்தூரில் இடிந்த பாலத்தை சீரமைக்கும் பணிகள் துவங்கியுள்ளன. ராஜபாளையம் அருகே சேத்தூர் மேற்கு பகுதியில் நடுவக்குளம் கண்மாய் உள்ளது. இந்த கண்மாய் அருகில்  88 வருடம் பழமை வாய்ந்த பாலம் இருந்தது. இதன் வழியாக சுமார் 5 ஆயிரம் ஏக்கர் விவசாயத்துக்கான பொருள்களை கொண்டு சென்று வந்தனர். கடந்த சில நாள்களுக்கு முன் மண் ஏற்றி வந்த டிராக்டர் செல்லும் போது பாலம் உடைந்தது.

 இதனால் விவசாயிகள் சிரமத்துக்குள்ளாகினர். இது குறித்து மாவட்ட ஆட்சியர் மற்றும் உயர் அதிகாரிகளுக்கு புகார் தெரிவித்ததையடுத்து பாலத்தை சீரமைக்கும் பணிகள் தொடங்கப்பட்டுள்ளன.