விருதுநகர்  மாவட்டத்தில் ஆக.13-இல் உள்ளூர் விடுமுறை

விருதுநகர் மாவட்டத்தில் ஆகஸ்ட் 13 ஆம் தேதி (திங்கள்கிழமை) உள்ளூர் விடுமுறை அளிக்கப்பட்டுள்ளது.
இது குறித்து மாவட்ட ஆட்சியர் அ. சிவஞானம் திங்கள்கிழமை தெரிவித்துள்ளதாவது:  
ஸ்ரீவில்லிபுத்தூர் ஆண்டாள் கோயில் தேரோட்டம் ஆகஸ்ட் 13 ஆம் தேதி நடைபெறுவதை முன்னிட்டு, அரசு ஊழியர்கள், பள்ளி மாணவ, மாணவிகள் கலந்துகொள்ளும் வகையில், அன்றைய தினம் உள்ளூர் விடுமுறை அளிக்கப்படுகிறது. இதை ஈடுகட்டும் வகையில் ஆகஸ்ட் 18-ஆம் தேதி (சனிக்கிழமை) வேலை நாளாக அறிவிக்கப்படுகிறது எனத் தெரிவித்துள்ளார்.