விருதுநகா் மாவட்டத்தில் 30 ரெளடிகள் கைது

விருதுநகா் மாவட்டத்தில் சட்டவிரோத செயல்களில் ஈடுபடுவது, பொது அமைதிக்கு பங்கம் விளைவிக்கும் வகையில் நடந்து கொண்ட 30 ரெளடிகளை போலீஸாா் புதன்கிழமை கைது செய்தனா்.

இதுகுறித்து விருதுநகா் மாவட்ட காவல் கண்காணிப்பாளா் கெளதம்கோயல் புதன்கிழமை வெளியிட்ட செய்திக் குறிப்பு:

விருதுநகா் மாவட்டத்தில் சட்டம்-ஒழுங்கை பராமரிக்கவும், குற்றச் சம்பவங்களை தடுக்கவும், சரித்திர பதிவேடு குற்றவாளிகள் தொடா்ந்து கண்காணிக்கப்பட்டு வருகின்றனா்.

இந்த நிலையில், மாவட்டத்தில் சட்டவிரோத செயல்களில் ஈடுபட்டது, பொது அமைதிக்கு பங்கம் விளைவிக்கும் வகையில் நடந்து கொண்ட 30 ரெளடிகள் புதன்கிழமை கைது செய்யப்பட்டு, நீதிமன்றத்தில் முன்னிலைப்படுத்தி, மதுரை சிறையில் அடைக்கப்பட்டனா் என்றாா் அவா்.