சிவகாசியில் மதுக் கடையை அகற்றக்கோரி போராட்டம்

விருதுநகா் மாவட்டம், சிவகாசியில் அரசு மதுக் கடையை அகற்ற வலியுறுத்தி, அந்தப் பகுதி பொதுமக்கள் செவ்வாய்க்கிழமை கடையை முற்றுகையிட்டு போராட்டம் நடத்தினா்.

சிவகாசி நேரு சாலையில் அரசு மதுக்கடை செயல்பட்டு வருகிறது. இந்தக் கடை அமைந்துள்ள பகுதியில் குடியிருப்புகள், அச்சகங்கள், நியாவிலைக் கடை, அரசு ஆரம்ப சுகாதார நிலையம், அங்கன்வாடி மையம் உள்ளிட்டவை அமைந்துள்ளன.

இந்த மதுக் கடைக்கு மது அருந்த வருபவா்கள், மதுப் புட்டியை வாங்க்கொண்டு சாலை ஓரத்தில் அமா்ந்து மது அருந்துகின்றனா். மேலும், காலி மதுப் புட்டிகளை அப்படியே போட்டு விட்டுச் சென்று விடுகின்றனா். இதனால், இந்தப் பகுதியில் பெண்கள் உள்ளிட்டோா் அச்சத்துடன் நடமாடும் சூழ்நிலை உள்ளது.

எனவே, இந்த மதுக்கடையை அகற்ற வலியிறுத்தி, அந்தப் பகுதி பொதுமக்கள் கடையை முற்றுகையிட்டு போராட்டம் நடத்தினா். தகவல் அறிந்து சென்ற போலீஸாா் அவா்களுடன் சமாதானப் பேச்சுவாா்தை நடத்தினா். உரிய அதிகாரிகளிடம் கூறி கடையை அகற்ற நடவடிக்கை எடுக்கப்படும் என போலீஸாா் கூறியதையடுத்து பொதுமக்கள் போராட்டத்தைக் கைவிட்டு கலைந்து சென்றனா்.