FOLLOW US

ON GOOGLE DISCOVER

✕
முகப்பு
திருவாரூர்

மூதாட்டியைத் தாக்கியவா் கைது

8 வினாடிகள் முன்பு
கைது - கோப்புப்படம்
பகிர்:

திருவாரூா் அருகே மூதாட்டியைத் தாக்கியவா் கைது செய்யப்பட்டாா்.

திருவாரூா் மாவட்டம், நடப்பூா் பகுதியைச் சோ்ந்தவா் ர. இந்திராணி (65). இவா், ஞாயிற்றுக்கிழமை பிற்பகல், அப்பகுதியில் மாடு மேய்த்துக் கொண்டிருந்தாா். அப்போது, அடையாளம் தெரியாத நபா் துணியால் இந்திராணியின் முகத்தை மூடி, கட்டையால் தாக்கி, அவா் கழுத்தில் அணிந்திருந்த தங்கச் சங்கிலியை பறித்துச் சென்றதாகக் கூறப்படுகிறது.

இதுகுறித்த தகவலின்பேரில் திருவாரூா் உட்கோட்ட துணைக் காவல் கண்காணிப்பாளா் எஸ். ரவிச்சந்திரன், தனிப்படையினா் சம்பவ இடத்துக்குச் சென்று விசாரணை மேற்கொண்டனா்.

Advertisement

Advertisement

விசாரணையில், காயம்பட்ட இந்திராணியிடம் சங்கிலியின் பெரும்பாலான பகுதிகள் இருந்ததும், சிறிய பகுதி மட்டுமே தாக்குதல் நடத்தியவா் எடுத்துச் சென்றதும் தெரிய வந்தது.

இது தொடா்பாக சந்தேகத்தின் பெயரில் அதே ஊரைச் சோ்ந்த பெரியான் மகன் மனோகா் என்பவரை பிடித்து போலீஸாா் விசாரணை மேற்கொண்டனா்.

விசாரணையில், இந்திராணியின் வீட்டின் அருகில் மனோகரன் வசிப்பதும், அவரது வீட்டு ஆடு, மாடுகள் எதிா்பாராத விதமாக இந்திராணியின் வீட்டின் அருகில் சென்றாலே இந்திராணி தகாத வாா்த்தைகளால் தன்னை திட்டுவதாகவும், அதற்கு பழிவாங்கவே அவரை தாக்கியதாகவும், அப்போது எதிா்பாராதவிதமாக இந்திராணியின் செயின் அறுந்துவிட்டதாகவும், அறுந்த செயினின் சிறிய பாகத்தை எடுத்துச் சென்று தன் வீட்டின் பின்புறத்தில் மறைத்து வைத்திருந்ததாகக் கூறியுள்ளாா். இதையடுத்து போலீஸாா் அந்த நகையை மீட்டனா்.

பின்னா், வைப்பூா் போலீஸாா் வழக்குப் பதிந்து மனோகரனை கைது செய்தனா்.