ஆர்.கே.புரம் ஐயப்பன் கோயிலில் விஷ்ணு சகஸ்ரநாம பாராயணம்

தில்லி ராமகிருஷ்ணாபுரம் (ஆர்.கே.புரம்) ஐயப்பன் கோயிலில் சனிக்கிழமை விஷ்ணு சகஸ்ரநாம பாராயணம் நடைபெற்றது.

 தில்லி ஸ்ரீ விஷ்ணு சகஸ்ரநாம பாராயணம் குழுவினர், புரட்டாசி மாதத்தின் சனிக்கிழமைகளில் தில்லியில் உள்ள முக்கியக் கோயில்களில் விஷ்ணு சகஸ்ரநாம பாராயணம் நடத்தி வருகின்றனர்.

 முதல் சனிக்கிழமையன்று தில்லி வைகுண்டநாதர் கோயிலில் பாராயணம் நடைபெற்றது.  இரண்டாவது சனிக்கிழமை ராமகிருஷ்ணாபுரம் ஐயப்பன் கோயிலில் பாராயணம் நடைபெற்றது. இதில், சதானந்த சுவாமிகள் சிறப்பு அழைப்பாளராகப் பங்கேற்று பக்தர்களுக்கு அருளாசி வழங்கினார். மேலும், விஷ்ணு சகஸ்ரநாம பாராயணத்தின் மகிமை குறித்து விரிவாக எடுத்துரைத்தார்.

 தில்லி தமிழ் சங்கத்தின் தலைவர் வி. பாலசுப்பிரமணியன், துணைத் தலைவர் கே.வி.கே. பெருமாள், இணைச் செயலாளர்கள் சத்யா அசோகன், பி.குருமூர்த்தி, கர்நாடக சங்கீத சபா செயலர் ஆர். மகாதேவன், ரசிகப்ரியா செயலர் ராமநாதன், விஷ்ணு சகஸ்ரநாமக் குழுவைச் சேர்ந்த பாலாஜி, வைத்தியலிங்கம், ராமநாதன் உள்ளிட்ட ஏராளமான பக்தர்கள் இதில் கலந்து கொண்டனர். விழா ஏற்பாடுகளை தில்லி முத்தமிழ் பேரவையின் பொதுச் செயலாளர் இரா. முகுந்தன், துணைத் தலைவர் பெ. ராகவன் நாயுடு, தில்லி தமிழ் சங்கத்தின் பொதுச் செயலாளர் என். கண்ணன் ஆகியோர் செய்திருந்தினர்.