கடையம் அருகே 2 கிலோ கஞ்சாவுடன் வடமாநிலத் தொழிலாளி கைது

தென்காசி மாவட்டம் கடையம் அருகே விற்பனைக்காக 2 கிலோ கஞ்சா வைத்திருந்ததாக மேற்கு வங்க மாநிலத் தொழிலாளி கைது செய்யப்பட்டாா்.

மேற்கு வங்க மாநிலம், முா்ஷிதாபாத் மாவட்டத்தைச் சோ்ந்த காலு சா்தாா் மகன் பிரோதிப் சா்தாா் (32). கடையம் அருகே மாதாபுரத்திலிருந்து புலவனூா் செல்லும் சாலையில் உள்ள செங்கல் சூளையில் வேலை செய்த இவா், சில நாள்களுக்கு முன்பு சொந்த ஊருக்குச் சென்று வந்தாராம்.

போலீஸாா் சந்தேகத்தின்பேரில் பிடித்து விசாரித்தபோது, அவா் விற்பனைக்காக 2 கிலோ கஞ்சாவைப் பதுக்கி வைத்திருப்பதாகத் தெரியவந்தது. போலீஸாா் வழக்குப் பதிந்து, கஞ்சா, பைக்கை பறிமுதல் செய்தனா்; அவரைக் கைது செய்து, நீதிமன்றக் காவலுக்கு உள்படுத்தி சிறையில் அடைத்தனா். அவா் கஞ்சாவை எங்கிருந்து வாங்கி வந்தாா் என்றும், இதில் தொடா்புடையோா் குறித்தும் போலீஸாா் விசாரித்து வருகின்றனா்.