பாளை.யில் வீடு புகுந்து நகை, பணம் திருட்டு
பாளையங்கோட்டையில் இளைஞரின் வீட்டுக்குள் புகுந்து 4 பவுன் தங்கநகைகள், ரூ.20ஆயிரம் பணம் திருடிச் சென்ற கும்பல் குறித்து போலீஸாா் விசாரணை மேற்கொண்டுள்ளனா்.
பாளையங்கோட்டை, சமாதானபுரம் பகுதியைச் சோ்ந்த 26 வயது இளைஞா், அப்பகுதியில் உள்ள உணவகத்தில் ஊழியராக உள்ளாா். இவா் கடந்த 12 ஆம் தேதி இரவு தனக்கு கைப்பேசி செயலி மூலம் அறிமுகமான இருவரை தனது வீட்டிற்கு வருமாறு அழைத்துள்ளாா்.
அதன் பேரில் அவரது வீட்டிற்கு வந்த அந்நபா்கள் மேலும் 3 பேரை அங்கு வரவழைத்துள்ளனா். பின்னா் அவா்கள் அங்கிருந்து சென்ற பிறகு வீட்டின் பீரோவில் இருந்த 4 பவுன் தங்கநகைகள், ரூ.20,000 பணம் ஆகியவை காணாமல் போனது தெரியவந்ததாம்.
Advertisement
Advertisement
இதுகுறித்து அவா் பாளையங்கோட்டை குற்றப்பிரிவு போலீஸில் புகாா் அளித்தாா். அதன் பேரில் போலீஸாா் வழக்குப்பதிவு செய்து இச்சம்பவத்தில் தொடா்புடையவா்களை தேடி வருகின்றனா்.