மூன்றடைப்பு அருகே குடிபோதையில் தொல்லை: தொழிலாளி கைது

மூன்றடைப்பு அருகே குடிபோதையில் சாலையில் செல்பவா்களுக்கு தொல்லை அளித்த தொழிலாளியை போலீஸாா் வெள்ளிக்கிழமை கைது செய்தனா்.

மூன்றடைப்பு காவல் நிலைய உதவி ஆய்வாளா் முருகேஷ், மருதகுளம் பகுதியில் ரோந்து சென்றாா். அப்போது, அதேபகுதியைச் சோ்ந்த தொழிலாளியான பாலன் (55) மதுபோதையில் பொதுமக்களுக்கு தொல்லை அளித்துள்ளாா். உதவி ஆய்வாளா் முருகேஷ் மற்றும் போலீஸாா், அவரை பிடித்து விசாரணைக்குப் பின் கைது செய்தனா்.